Areru 27:1-14
Ana areru Tawita.
27 Bon au oota+ ao au tia kamaiu Iehova.
Antai ae I riai ni maakua?+
Bon te nono Iehova ibukini maiuu.+
Antai ae I riai ni maakunrang irouna?
2 Ngkana a niniai aomata aika buakaka bwa a na kabwauta irikou,+Ao taani kakaitaraai ma taani kairiribai nakoiu boni ngaiia aika tatanako ma ni bwaka.
3 E ngae ngkana e katea ana kaembwa te taanga ni buaka n ekainako,Ma e na bon aki maaku nanou.+
E ngae ngkana e teirake te buaka ni kaitaraai,Ma N na bon teimatoa naba n aki nanokokoraki.
4 Iai te bwai teuana ae I bubutiia Iehova
Ao boni ngaia ae I kani karekea,Ae N na maeka n ana auti Iehova ni kabane au bong ni maiu,+Bwa N na nora tamaroan Iehova,Ao n tarataraa ana tembora* ma te kukurei.*+
5 Bwa e na karabaai n ana tabo ni katantan ni bongin te rawawata,+E na karabaai n te tabo ae raba i nanon ana umwanrianna,+Ao e na katokaai i aon te bwaa ni karietataai.+
6 E a rietata ngkai atuu i aoia akana kairiribai nakoiu aika otabwaniniai.
N na anga au karea n ana umwanrianna ma te takarua ni kimwareirei,Ao N na anene n neboa* Iehova.
7 Ongo irou ngkoe ae Iehova ngkana I tang,+Ko na akoai ao kaekaai.+
8 E taetae ibukim nanou ni kangai:
“Ukoukora ubuu n uaa e reke.”
Bon ubum Iehova, ae N na ukoukoria n uaa e reke.+
9 Tai karabaa ubum mairou,+Ao tai rairaanako am toro n unim.
Bon te tia buokai ngkoe,+Tai kaaki taekau ke ni kitanai, Atuau ae te tia kamaiuai.
10 E ngae ngkana a kitanai oin tamau ma tinau,+Ma e na boni mwaneai Iehova.+
11 Reireinai kawaim ngkoe ae Iehova,+Kairirai ni kawain te eti ni kawakinai mairouia akana kairiribai nakoiu.
12 Tai anga ngai nakoia taani kakaitaraai,+Bwa a teirake n ekainako taani kakoaua aika kewe,+Ao a kakamaakai n te tiritiri.
13 N na mena ia ngke arona bwa I aki onimakinaAe N na nora ana raoiroi Iehova i abaia akana maiu?*+
14 Kabotoa am kantaninga i aon Iehova,+Ninikoria ao kakorakoraa nanom.+
Eng, kabotoa am kantaninga i aon Iehova.
Taiani Kabwarabwara Mai Nano
^ Ke, “tabo ae tabu.”
^ Ke, “tarataraia ma n iaiangoia.”
^ Ke, “katangitang nakon.”
^ Ke tao, “I bon onimaki bwa N na nora ana raoiroi Iehova i abaia akana maiu.”
