Areru 28:1-9
-
E ongoraeaki ana tataro te tia areru
-
“Korakorau ao au otanga Iehova” (7)
-
Ana areru Tawita.
28 I teimatoa ni wewete nakoim, ngkoe ae Iehova ae au Bwaa,+Tai kaina taningam nakoiu.
Ngkana ko teimatoa ni kainabwabu nakoiu,Ao N na riki n ai aroia akana ruo rikaaki nakon te mwarua.*+
2 Ongo n au onnon ngkana I tang nakoim ni kani buokaki,Ngkai I katei baiu ni kaitaraa te Ruu ae Moan te Tabu* n am tabo ae tabu.+
3 Tai kairainako i buakoia akana buakaka, ma akana kakaraoi baika iowawa,+Aika te koraki aika tataekina te raoi ma raoia n aomata, ma e mena te buakaka i nanoia.+
4 Angania boon aia mwakuri+Ni kaineti ma aia mwakuri aika bubuaka.
Manga angania boon aia mwakuri baia,Ae boraoi ma te baere a karaoia.+
5 Bwa a aki mutiakin ana mwakuri nako Iehova,+Ke ana mwakuri baina.+
E na urubekeiia ni kabwakaia ao e na aki kateiia.
6 Ke e karaoiroaki Iehova,Bwa e ongo au onnon ni kani buokaki.
7 Boni korakorau+ ao au otanga+ Iehova.
E onimakinna nanou.+
I karekea ana ibuobuoki ao e kimwareirei nanou,Mangaia ae N na karaoiroia n au anene.
8 Bon Iehova korakoraia ana aomata,Bon te nono ae uota te kakamaiu ae korakora nakon ana aomata ae kabiraki.+
9 Kamaiuia am aomata ao kakabwaiaia.+
Kawakinia ngkai kaanga am tiibu ngaiia ao uouotiia ni baim n aki toki.+
