Areru 30:1-12
-
E bitaki te tanginiwenei nakon te kimwareirei
-
E teimatoa n uaa tokin te maiu ana akoi te Atua (5)
-
Te anene. Te kuna ibukini katabuan te auti. Ana areru Tawita.
30 N na karietatako ngkoe ae Iehova, bwa ko a tia n tabekairake,*Ao ko aki kariaia akana kairiribai nakoiu bwa a na kimwareirei ni karawawataau.+
2 I tang nakoim ni kani buokaki Iehova ae Atuau, ao ko kamarurungai.+
3 Ko tabekairake ngkoe ae Iehova man te Ruanimate,*+Ko kateimatoa maiuu, ao ko kamaiuai bwa N na aki iinako nako nanon te mwarua.*+
4 Anene n neboa* Iehova, ngkami aika ana aomata aika kakaonimaki ni koaua,+Ao karaoiroa arana ae tabu.*+
5 Ibukina bwa tii teutana te tai te mena i aan unna,+Ma te akoaki irouna e bon teimatoa n uaa tokin te maiu.+
E kona n roko te tanginiwenei n te tairiki, ma n te ingabong ao iai te tang ni kimwareirei.+
6 Ngkana akea au kangaanga ao I taku:
“N na bon aki kona ni kaingingaki.”*
7 Ngke I akoaki iroum Iehova ao ko kakorakoraai kaanga ai aron te maunga.+
Ma ngke ko karabaa ubum mairou, ao I maakunrang.+
8 I teimatoa ni wewete nakoim ngkoe ae Iehova,+Ao I teimatoa ni bubutiia Iehova ibukin te akoaki.
9 Tera bongani mateu,* ao ruou rikaaki nakon te mwarua?*+
E na karaoiroiko te tano?+ E na tataekina kakaonimakim?+
10 Ongora ngkoe ae Iehova ao akoai.+
Riiki bwa te tia buokai ngkoe ae Iehova.+
11 Ko bita nanokawakiu nakon te mwaie ni kimwareirei,Ko buuta au kunnikai ae te raerobwa* ao ko kunnikaiai n te kimwareirei,
12 Bwa I* aonga n anenea neboam ao N na aki teimatoa ni kainabwabu.
N na karaoiroiko n aki toki Iehova ae Atuau.
Taiani Kabwarabwara Mai Nano
^ Ke, “katikai.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “te ruanimate.”
^ Ke, “Katangitang nakon.”
^ Ebera, “kanuringana.”
^ Ke, “N na bon aki kona n turatura (tatanako).”
^ Ebera, “raraau.”
^ Ke, “te ruanimate.”
^ Nora Nanon Taeka.
^ Ke, “e aonga karineau.”
