Areru 55:1-23
Te kaetieti nakon te mataniwi n te anene. E na raonaki te anene ni bwaai ni katangitang aika iai karaiia. Matikiera.* Ana areru Tawita.
55 Ongora n au tataro ngkoe ae te Atua,+Ao tai kaaki taekan au bubutii ibukin nanoangaau.*+
2 Mutiakinai ao kaekaai,+E a aki karauai tabeaiangau,+Ao I a nibwara
3 Ibukin ana taeka te tia kairiribaiMa ana kariri te aomata ae buakaka.
Bwa a kabwarikoa i aou te kangaanga,Ao a kaikoa ribaakiu n ekainako ma te un.+
4 E a korakai nanou,+Ao e a taonainako maakakin te mate.+
5 E a roko i aou te maaku ma te ruru,Ao e tauai te rurubenebene.
6 I teimatoa ni kangai: “Tera ngke iai baiu ni kiba n aron te taobe!
Ao I a kibanako naba ao ni maeka n akea au kangaanga.
7 Noria! N na kibanako ni kararoaai.+
Ao N na maeka n te rereua.+ (Tiera)
8 N na kawaekoaai nakon te tabo ni kamanomanoNi kararoaai man te ukeukennanti ao man te angibuaka.”
9 Kamwaningaia ngkoe ae Iehova, ao kamangaoi aia babaire,*+Bwa I a tia n nora te iowawa ma te itabarara n te kaawa.
10 A ririaki i aon oona ni katobibia ni ngaina ao ni bong,Ao e mena i nanona te iowawa ma te kangaanga.+
11 E mena i nukana te urubwai,Ao a aki nako mani maraena te karawawata ma te mwamwanaa te aba.+
12 Bwa tiaki te tia kairiribai ae teirake n ekainako,+Bwa ngke ngkai ao I taotaona nanou nako iai.
Tiaki te aomata ae riribaai ae kaitaraai ma te iowawa,Bwa ngke ngkai ao I karabaai mairouna.
13 Ma boni ngkoe, ae te mwaane ae ai arou,*+Ae raou ni koaua ae I rangi ni kinaa.+
14 E rangi ni kaan ngkoa ara iraorao,Ao ti nanakonako ngkoa ma aomata aika mwaitikurikuri nako nanon ana auti te Atua.
15 Ke e taonianako te kamaunaaki!+
Ke a ruo rikaaki nako nanon te Ruanimate* ngkai a boni maiu,Bwa e memena te buakaka i buakoia, ao i nanoia.
16 Ni kaineti ngkanne ma ngai, N na wewete nakon te Atua,Ao e na kamaiuai Iehova.+
17 I katabeaiangaaki ao I ngirangira n te tairiki, n te ingabong, ao n te tawanou,+Ao e ongo bwanaau.+
18 E na kamaiuai* ma n anganai te rau mairouia akana buakanai n ekainako,Bwa a mwaitikurikuri akana ekainako.+
19 E na ongo te Atua ao e na kaekaia,+Are teuare tekateka n te kaintokanuea mangkoangkoa.+ (Tiera)
A na rawa ni bitaki,Akana aki maaka te Atua.+
20 E* ekiianako akana raoi ma ngaia,+Ao e urua ana berita.+
21 A maran raoi riki ana taeka nakon te bwata,+Ma e mena te itabarara i nanona.
A maraurau riki ana taeka nakon te bwaa,Ma boni kabaang aika kakang.+
22 Kaaki rawawatam i aon Iehova+Ao e na kateimatoako.+
E aki kona ni kariaia bwa e na bwaka* ane e raoiroi.+
23 Ma ngkoe ae te Atua, ko na karuoia nako nanon te mwarua ae nano riki.+
A na aki maiu ni karokoa koron iteran aia bong, mwaane aika katuturaraa ma ni mwamwanaa te aba aikai.+
Ma ni kaineti ngkanne ma ngai, N na bon onimakiniko.
Taiani Kabwarabwara Mai Nano
^ Nora Nanon Taeka.
^ Ke, “Ao tai karabako ngkana I tataro ni bubuti te ibuobuoki.”
^ Ebera, “bibitii neweia.”
^ Ke, “te mwaane ae tii te arona ma ngai.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ebera, “manga kabooa.”
^ Ae taekan are raona ngkoa are e taekinaki ni kibuna 13 ao 14.
^ Ke, “turatura, tatanako.”
