Areru 60:1-12
Te kaetieti nakon te mataniwi n te anene ae “Te Kiebu ni Kauring.” Mikitam.* Ana areru Tawita. Ibukin te angareirei. Ngke e buaka ma I-Aramnaaraim ao I-Aramtobaa, ao e oki Ioaba ni kamateia tibun Etom aika 12,000 n te Mwarua ae Taari.+
60 Ngkoe ae te Atua, ko rawa iroura ao ko urui ara bwai aika ti kamanoira iai.+
Ko un ngkoa iroura, ma ko na manga butimwaeira ngkai!
2 Ko kamwaeieiea te aonnaba ao ko katabwenaa.
Manga bonotii bwangabwangana bwa e nangi bwaka.
3 Ko karawawataia am aomata n te kangaanga,Ao ko kamoira n te wain ae ti rangaranga iai.+
4 Aanga* te kanikina nakoia te koraki ake a maakuko,Bwa a na birinako ao ni katuaia man te kainikatebe. (Tiera)
5 Kamaiuira ni baim ae ataim ao kaekaira,+Bwa a aonga ni kamaiuaki am aomata aika ko tangiriia.
6 E taetae te Atua i buakon tabuna* ni kangai:
“N na kakatonga, ao N na anga Tekem bwa te tibwanga,+Ao N na anaa abwakin te Mwarua i Tukota n tibwaia nako.+
7 Bon au bwai Kireata ao Manate naba,+Ao Eberaim boni bwaran* atuu,Ao Iuta bon okon au tia tautaeka.+
8 Bon au taabu ni kaitiaki Moaba.+
N na karenako au kau i aon Etom.+
N na takarua n tokanikai i aoni Biritia.”+
9 Antai ae e na karokoai n te kaawa ae otabwaniniaki?*
Antai ae e na kairai nako Etom?+
10 Boni ngkoe ae ko na kairira nako iai, ngkoe ae te Atua! Ma ko a manga rawa iroura ngkai,Ngkoe ae Atuara ae ko a aki manga otinako n raonia ara taanga ni buaka.+
11 Buokira n rawawatara,Bwa bon akea manenan aia kakamaiu aomata.+
12 Ti na karekea korakorara iroun te Atua,+Ao e na toutouia taani kakaaitaraira.+
Taiani Kabwarabwara Mai Nano
^ Nora Nanon Taeka.
^ Ke tao, “Ko a tia n anga.”
^ Ke tao, “i nanon ana tabo ae tabu.”
^ Ebera, “te nono.”
^ Ke tao, “nonoaki.”
