Areru 63:1-11
Ana anene Tawita, ngke e mena n rereuan Iuta.+
63 Ngkoe ae te Atua, bon Atuau ngkoe. I teimatoa n ukoukoriko.+
I ingainga ibukim, n aron te aomata ae bora n taka.+
E ingainga nanou ibukim,N te aba ae mwauteretere ao ni mate aona, ike akea iai te ran.+
2 Mangaia are I tarataraiko n te tabo ae tabu,I a tia n nora korakoram ma mimitongim.+
3 Ibukina bwa e raoiroi riki am tangira ae koaua* nakon te maiu,+A na neboiko riau.+
4 Mangaia ae N na karaoiroiko ni kabane au bong ni maiu,Ao N na tabeki baiu n aram.
5 I* a rauaki n te tibwanga ae te kabanea n raoiroi ao ae te kabanea n tamaroa,Mangaia ae e na karaoiroiko wiu ma te kakatonga i aon riau.+
6 I ururingko i aoni nneu ni wene,Ao I kananoa au iango i aom n taai n tantani n te tairiki.+
7 Bwa boni ngkoe te tia buokai,+Ao N na takarua ni kimwareirei i aan nuuni baim ni kiba.+
8 I* nimtiko,Ao e tauai ni kamatoaai baim ae ataim.+
9 Ma akana ukoukora kabuaani maiuu,*A na bon ruo rikaaki nakoni mwaruan te mate.
10 A na boni katukaki taekaia i aani mwaakan te kabaang,Ao a na riki bwa kanaia tiakaore.*
11 Ma e na kimwareirei te uea iroun te Atua.
A na bane ni kakatonga* aomata akana taetae n tuea Irouna,Bwa a na kainaki wia akana taekini keewe.
Taiani Kabwarabwara Mai Nano
^ Ke, “tangira ae kona n onimakinaki.”
^ Ebera, ne’phesh, nora Nanon Taeka.
^ Ebera, ne’phesh, nora Nanon Taeka.
^ Ebera, ne’phesh, nora Nanon Taeka.
^ Nora Nanon Taeka, “Maan.”
^ Ke, “kamoamoa.”
