Areru 7:1-17
-
Te tia Motikitaeka ae raoiroi Iehova
-
“Motika taekau Iehova” (8)
-
Ana anene Tawita ae kananokawaki,* are e aneneia nakon Iehova ni kaineti ma ana taeka Kuti are tibuni Beniamin.
7 Ngkoe ae Iehova ae Atuau, I boni kamanoai iroum.+
Kainaomataai mairouia te koraki nako aika bwainikirinai ao kamaiuai.+
2 Bwa a kaawa n raebitiai n ai aron ae e karaoia te raian,+N uotainako ao akea te tia kamaiuai.
3 Ngkoe ae Iehova ae Atuau, ngkana I kairua n aei,Ao ngkana I karaoa ae ribuaka,
4 Ngkana I a tia ni bure nakon te aomata ae karaoa ae raoiroi nakoiu,+Ke ngkana I a tia ni kuribwaia ane e kairiribai nakoiu n akea bukina,*
5 Ao ke e kaeai te tia kairiribai ma n ooai,Ke e toutoua maiuu i aontanoAo ni kamauna karineau n te tano. (Tiera)
6 Ko na teirake n unim ngkoe ae Iehova,Ko na tei ni kaaitarai unia taani kairiribai nakoiu,+Ko na uti ibukiu, ao ko na tua bwa e na karaoaki te kaetitaeka ae riai.+
7 Ke a otabwaniniko natannaomata,Ao ko na waaki n ekiianako man te tabo ae rietata.
8 E na motiki taekaia botannaomata Iehova.+
Motika taekau Iehova ni kaineti ma raoiroiuAo ni kaineti ma etin arou.+
9 Taiaoka katoka aia mwakuri aika bubuaka aomata aika buakaka.
Ma kateimatoaia aomata aika raoiroi,+Kioina ngkai bon te Atua ae raoiroi ngkoe,+ ae ko tutuoi naano+ ao taian namakin aika rangi n raba.*+
10 Bon au otanga te Atua,+ aia tia Kamaiu te koraki aika eti nanoia.+
11 Bon te tia Motikitaeka ae raoiroi te Atua,+Ao te Atua e tataekin ana motikitaeka* ni katoabong.
12 Ngkana iai ae e aki raira nanona,+ ao E taima ana kabaang,+Ao e kabwaoua ana kainikatebe ma ni katauraoia.+
13 E katauraoi ana bwai ni buaka aika kamamate,Ao e katauraoi kanoan ana kainikatebe aika ura.+
14 Nora te aomata ae taorakea te buakaka,Ao e bikoukoua te kangaanga ao e bungia te kewe.+
15 E ekea te mwarua ao e kenna ni kananoa,Ma e a manga boni bwaka n te mwanono are e karaoia.+
16 E na oki nako aon atuna te kangaanga are e boni karikia,+E na bwakaraki aon taubukin atuna n ana iowawa.
17 N na karaoiroa Iehova ibukin ana kaetitaeka ae riai,+N na anene n neboa* aran Iehova+ are Teuare Moan te Rietata.+
Taiani Kabwarabwara Mai Nano
^ Ke, “te anene n tanginiwenei.”
^ Ke tao, “Ngke I tabe ni kamaiua ane e ekainako n akea bukina.”
^ Ke, “katai taiani buroo ao taiani kirine.”
^ Ke, “karokoa ana kabuakaka.”
^ Ke, “katangitang nakon.”
