Areru 85:1-13
Ibukin te mataniwi n te anene. Aia areru natini Kora+ aika mwaane. Te anene.
85 Ko akoa abam, ngkoe ae Iehova,+Ko kaokiia tibun Iakoba ake a kairaki bwa taenikai.+
2 Ko kabwarai aia kairua am aomata,Ko kabwarai* aia bure ni kabane.+ (Tiera)
3 Ko tautaua marakin nanom ni kabane,Ko rairakinako man unim ae korakora.+
4 Kaokira nakon arora,* ngkoe ae te Atua ae ara tia kamaiu,Ao katinanikua bonon nanom iroura.+
5 E na maraki nanom iroura n aki toki?+
Ko na kateimatoa unim man te rorona nakon te rorona?
6 Tiaki ko na manga kaoka korakorara,Bwa a aonga ni kimwareirei am aomata iroum?+
7 Kaota nakoira am tangira ae koaua,* ngkoe ae Iehova,+Ao anganira am kakamaiu.
8 N na ongora n te bwai ae e taekinna te Atua ae koaua ae Iehova,Bwa e na taekina te raoi nakoia ana aomata,+ nakoia ana aomata aika kakaonimaki ni koaua,Ma ke a tai okiri aroia ni kabatiaa onimakinaia i bon irouia.+
9 Ni koauana, e kaan ana kakamaiu ma te koraki ake a maakua,+Bwa e aonga ni mena mimitongina i abara.
10 A na kaitiboo te tangira ae koaua* ma te kakaonimaki,A na kaboria te raoiroi ma te raoi.+
11 E na bwebwerake te kakaonimaki man te aonnaba,Ao e na baraaki mai karawa te raoiroi.+
12 Eng, e na anga te bwai ae raoiroi* Iehova,+Ao abara e na karikii uaana aika a na taiaki.+
13 E na nakonako te raoiroi i matana,+Ao ni karaoa te kawai ibukini mwanekan te Atua.
Taiani Kabwarabwara Mai Nano
^ Ebera, “rabuni.”
^ Ke, “Manga ikotiira.”
^ Ke, “tangira ae kona n onimakinaki.”
^ Ke, “te tangira ae kona n onimakinaki.”
^ Ke, “te toronibwai.”
