Areru 89:1-52
Ana matikiera* Etan+ are tibun Teera.
89 N na anenea n aki toki taekan Iehova ni kaota ana tangira ae koaua.*
N na kaotiota am kakaonimaki ni wiu nakoia rooro ni kabane.
2 Bwa I kangai: “E na teimatoa n aki toki te tangira ae koaua,*+Ao ko kateimatoa am kakaonimaki i karawa.”
3 Ko taku: “I a tia ni karaoa te berita ma teuare I rineia,+I taetae n tuea nakon Tawita are au toro+ ni kangai:
4 ‘N na kateimatoaia kanoam*+ n aki toki,Ao N na kateimatoa am kaintokanuea i nanon rooro ni kabane.’”+ (Tiera)
5 Iehova, e karaoiroi am mwakuri aika kamimi karawa,Eng, a na karaoiroa am kakaonimaki n te botaki n aomata ae kaainaki irouia te koraki aika itiaki.*
6 Bwa antai i karawa ae e kona ni kabotauaki ma Iehova?+
Ao antai ae ai aron Iehova i buakoia natin te Atua?+
7 E karineaki te Atua n aia kaboowi* te koraki aika itiaki,*+Moan te kakannato ao ni kamimi ma ni kakamaaku irouia naake a otabwaninia ni kabane.+
8 Iehova ae Atuaia taanga ni buaka,Ai antai ae korakora n ai arom, ngkoe ae Iah?+
E otabwaniniko am kakaonimaki.+
9 Ko tautaeka i aon taari ae buaka,+Ngkana a tei naona ao ko karaui.+
10 Ko kamanatuaa Raaba*+ n aron te aomata ae kamateaki.+
Ko kamaenakoia akana kairiribai nakoim ni baim ae korakora.+
11 Am bwai karawa, ao am bwai te aonnaba,+Ko kawenea aan te aba ae maiureirei ao kanoana.+
12 Ko karika meang ma maiaki,A karaoiroa aram ma te kimwareirei Tabora+ ma Oman.+
13 E mwaaka anganibaim,+E korakora baim,+E karietataaki baim ae ataim.+
14 Bon aan am kaintokanuea te raoiroi ao te kaetitaeka ae riai,+A tei i matam te tangira ae koaua* ao te kakaonimaki.+
15 A a kukurei aomata aika takarua ni kimwareirei.+
A nakonako n ootan ubum, ngkoe ae Iehova.
16 A kakatonga n aram ni kabongnga,Ao a karietataaki n am raoiroi.
17 Bwa boni ngkoe ae ko katamaroai korakoraia,+Ao e karietataaki korakorara* n am akoi.+
18 Bwa bon ana bwai Iehova otangara,Ara uea bon ana bwai Teuare Tabu iroun Iteraera.+
19 N te tai anne ao ko taetae n te miitara nakoia am toro aika kakaonimaki ni koaua, ao ko kangai:
“I anga te korakora nakon te aomata ae korakora,+I karietataa teuare rineaki mai buakoia aomata.+
20 E a reke irou Tawita ae au toro,+I kabiria n au bwaa ae tabu.+
21 E na boutokaia baiu,+Ao anganibaiu e na kakorakoraa teuaei.
22 Akea te tia kairiribai ae e na kairoroa te angabwai mairouna,Ao akea te aomata ae buakaka ae e na karawawataa.+
23 N na kamanatuaia ni kamaeinikunia taani kakaitaraa, mai mwaina,+Ao n oreiia ni kabwakaia te koraki ake a ribaia.+
24 A memena irouna au kakaonimaki ao au tangira ae koaua,*+Ao e na karietataaki korakorana* n arau.
25 N na kaaki baina* i aon taariAo baina ae te atai i aoni karaanga.+
26 E na weteai ni kangai: ‘Bon Tamau ngkoe,Atuau, ao au Bwaa ae te tia kamaiuai.’+
27 Ao N na karaoia bwa te karimoa,+Ao te kabanea n rietata i buakoia uean aonnaba.+
28 N na kateimatoa nakoina n aki toki au tangira ae koaua,*+Ao e na bon aki kona ni bwaka au berita nakoina.+
29 N na kateimatoaia kanoana* n aki toki,Ao N na karaoa ana kaintokanuea bwa e na teimatoa n aroni karawa.+
30 Ngkana a kitana au tua natina mwaane,Ao a aki nakonako n te aro ae boraoi ma au moti,*
31 Ngkana a urui au kaetieti,Ao a aki kawakin au taeka,
32 Ao N na boni katuuaaea aki ongeabaia* n te kai,+Ao aia kairua n te oreaki.
33 Ma N na aki kona ni kanakoa mairouna au tangira ae koaua,*+Ke ni kewe n au berita.*
34 N na aki urua au berita,+Ke ni bita te baere e taekinna riau.+
35 I a bon tia raoi n taetae n tuea ngkai I tabu,N na aki taekini keewe nakon Tawita.+
36 A na teimatoa n aki toki kanoana,*+Ao e na teimatoa ana kaintokanuea n ai aron taai i matau.+
37 E na teimatoa n aki toki n aron namwakaina,Bwa kaanga te tia kakoaua ae kakaonimaki i karawa.” (Tiera)
38 Ma ko teweaanako teuanne ngkoe ao ko rawa irouna,+E a rangi ni maraki nanom iroun teuare am kabiraki.
39 Ko kaaki taekan te berita ma am toro,Ko kamwaraea ana baunuea n arom ni karenakoa i aontano.
40 Ko urui ana oo* ni kabane aika atibu,Ko kamamaarai ana nono bwa a na uruaki.
41 A kuribwaia teuaei aomata ni kabane aika rirarikina,E a riki bwa te bwai ni kamaamaeaki irouia kaain rarikina.+
42 Ko katokanikaiia taani kakaitaraa,*+Ko kakimwareireiia akana kairiribai nakoina ni kabane.
43 Ko kaoka naba ana kabaang,Ao ko aki boutokaia n te buaka.
44 Ko karokoa n tokina tamaroana,Ao ko kabwakaa ana kaintokanuea nako aontano.
45 Ko kakimototoi ana bongi n roro n rikirake.
Ko kunnikaia n te kamaamaeaki. (Tiera)
46 Maanra ngkoe Iehova ni karabako? N aki toki?+
E na teimatoa n urarake unim ae korakora n aron te ai?
47 Uringa kimototoni maiuu!+
Te koaua bwa akea manenani karikaia aomata ni kabane iroum?
48 Antai te mwaane ae kona ni maiu ao n aki nora te mate?+
E kona ni kamaiua i bon irouna mani mwaakan te Ruanimate?* (Tiera)
49 Iehova, a nga am mwakuri ake mai mwaina ake ko kaota iai te tangira ae koaua,*Ake ko taetae n tuea ibukia nakon Tawita n am kakaonimaki?+
50 Iehova, uringa kakanikoaia am toro,Ao arou ni kaaitarai* aia kakaniko botannaomata ni kabane,
51 Ao aroia akana kairiribai nakoim ni kabuakaka, ngkoe ae Iehova,
Ao aroia ni kabuakakai mwanekan nako teuare am kabiraki.
52 Ke e karaoiroaki n aki toki Iehova. Amen ao Amen.+
Taiani Kabwarabwara Mai Nano
^ Nora Nanon Taeka.
^ Ke, “tangira ae kona n onimakinaki.”
^ Ke, “te tangira ae kona n onimakinaki.”
^ Ebera, “am kariki.”
^ Ke, “anera aika tabu.”
^ Ke, “anera aika tabu.”
^ Ke, “botaki.”
^ Tao e kaineti aei nakon Aikubita ke ana Barao.
^ Ke, “te tangira ae kona n onimakinaki.”
^ Ebera, “korora.”
^ Ke, “tangira ae kona n onimakinaki.”
^ Ebera, “korona.”
^ Ke, “mwaakana ni kairiri.”
^ Ke, “tangira ae kona n onimakinaki.”
^ Ebera, “ana kariki.”
^ Ke, “motikitaeka.”
^ Ke, “aia karitei.”
^ Ebera, “Ke ni kewe n au kakaonimaki.”
^ Ke, “tangira ae kona n onimakinaki.”
^ Ebera, “ana kariki.”
^ Ke, “ana tabo ni katantan.”
^ Ebera, “karietatai baia taani kakaitaraa ae te atai.”
^ Ebera, “bain Tiore,” ae taekan ruanimaten te botannaomata. Nora Nanon Taeka.
^ Ke, “te tangira ae kona n onimakinaki.”
^ Ebera, “uotii ni bwanibwaniu.”
