Te Minita 11:1-10
11 Kanakoa* am kariki* i aon te ran,+ bwa ane e na manga reke iroum imwini boong aika bati.+
2 Aanga te tibwanga nakoia itiman, ke waniman naba,+ bwa ko aki ataia bwa tera te kabuanibwai* ae e na riki n te aonnaba.
3 Ngkana a a onrake taian nang n te ran, ao a na kabwakaa te karau i aon te aonnaba, ao ngkana e bwaka te aroka teuana i maiaki ke i meang, ao e na boni wene te aroka anne n te tabo are e bwaka iai.
4 Ane e tarataraa te ang ao e na aki uniki koraa, ao ane e tarai taian nang ao e na aki tai.+
5 N aron ae ko aki ataa aroni mwamwakurin te korakora ae te maiu* i nanon nako riin te teei ae mena i nanon* te aine ae bikoukou,+ ao ai arona naba bwa ko aki ataa ana mwakuri te Atua ae koaua ae karaoi bwaai ni kabane.+
6 Uniki am koraa n te ingabong ao tai kamotirawaa baim ni karokoa ae bong,+ bwa ko aki ataia bwa e nga ae e na materaoi, bwa tao aei ke arei, ke tao a na bon uaia n nakoraoi.
7 E kakukurei te oota ao e kamaiumata norakin taai.
8 Bwa ngkana e na maiu te aomata i nanon ririki aika bati, ao ke e kakukureia ni baikai ni kabane.+ Ma e riai n uringnga bwa a kona ni bati boong aika karawawata. Bwaai ni kabane aika a na roko bon akea manenaia.+
9 Kimwareirei ngkoe ae te rorobuaka n ataei ngkai ko ataei, ao kakukureia nanom n am bongi n roro n rikirake. Karaoi baika e tangiri nanom ao baika a nori matam, ma ko na ataia bwa ane e na motika taekam* te Atua ae koaua ibukini baikai ni kabane.+
10 Mangaia ae kanakoi baika karika te kangaanga mai nanom, ao kararoai baika karuanikai mai rabwatam,* bwa bon akea manenan te tai n roro n rikirake, ao te tai ae e korakora iai marurungini maiun te aomata.+
Taiani Kabwarabwara Mai Nano
^ Ke, “Kaaki.”
^ E mmani ao e mronron ke e wai, ao e kona ni beti teutana te tai.
^ Ke, “te karawawata.”
^ Ebera, “taian ri i nanoni biroton.”
^ E kona naba n nanonaki ikai taamnein te Atua.
^ Ke, “kaeta taekam.”
^ Ebera, “man irikom.”
