REIREI 76
E Kaitiaka te Tembora Iesu
N tain te abue n te ririki 30 C.E., ao e a nako Ierutarem Iesu. A bati aomata ake a roko n te kaawa ibukin te Toa ae te Riao. A anga naba aia karea te man n te tembora, bwa kanoan naba te bukamaru aei. Tabeman a kairiia aia man, ma ake tabeman a kabooi i Ierutarem.
Ngke e roko Iesu n te tembora, e a noriia aomata aika kaboonakoi maan. A karekemwane ibukia n te auti are tataromauriaki iai Iehova! Tera aron Iesu? E karaoa ana kai ni kataere man te roobu, ao e kaotinakoia tiibu ao kaao man te tembora. E karangai aia tabora taan raimwane ao e kabwaroi aia mwane i aontano. Ao e taku nakoia taani kaboonakoi taobe: ‘Uotiinako baikai mai ikai! Tai karika umwan Tamau bwa te tabo ni karekemwane!’
A mimi aomata ake n te tembora n te baere e karaoia Iesu. Ao taan rimwina a uringa te taetae ni burabeti ibukin te Mesia, are kangai: ‘E na korakora ingaingan nanou ibukin umwan Iehova.’
Imwina riki n te ririki 33 C.E., e a manga kaitiaka naba te tembora Iesu, n te kauatai. E aki kariaia temanna bwa e na kamatauningaa umwan Tamana.
“Kam aki kona n toro iroun te Atua ao te Kaubwai.”—Ruka 16:13
Ko Bae Naba n Tangira
IESU—TE KAWAI, TE KOAUA, AO TE MAIU
E Kaota Ingaingana Iesu Ibukin te Taromauri ae Koaua
A kariaiakaki aomata n ana Tua te Atua bwa a na kabooi maan i Ierutarem ibukin te angakarea, ma e aera ngkai e aki kukurei Iesu irouia taani boobwai n te tembora?
