REIREI 02
E Beritana te Kantaninga ae Kakukurei te Baibara
Ni katobibia te aonnaba ao a kaaitara aomata ma kangaanga aika a karika nanokawakia, tabeaiangaia, ao ai marakia. Ko a tia n aitara ma kangaanga, ao n namakini iai baikai? Tao ko rawawata ibukin aorakim, ke ni maten ae tangiraki iroum. Ko kona n titiraki ni kangai, ‘E na nakoraoi riki te maiu aei?’ Ma iai te kaeka ae karaunano n te Baibara ibukin te titiraki aei.
1. Tera te kantaninga ae kakukurei ae beritanna te Baibara?
E aki tii kabwarabwaraaki n te Baibara bukina ngkai a a bati kangaanga n te aonnaba aei, ma e taekina naba te rongorongo ae kakukurei, ae a na bon aki teimaan kangaanga aikai, ma a nangi mauna. E kona n “reke [iroum] te bwai ae raoiroi nakon taai aika a na roko, ao te kantaninga,” mani berita aika n te Baibara. (Wareka Ieremia 29:11, 12.) A buokira berita akanne bwa ti na kona ni kekeiaki i aan ara kangaanga nako, ao ti na kona ni kukurei naba ngkai ao n aki toki.
2. Tera aron taai aika imwaira ae taekinaki n te Baibara?
E taekinaki n te Baibara bwa n taai aika imwaira ao “e nang akea riki te mate, ke te nanokawaki ke te tang ke te maraki.” (Wareka Te Kaotioti 21:4.) Kangaanga aika kona ni kabwarai nanoia aomata ngkai n aron te maiu ni kainnano, te ribuaka, te aoraki, ao te mate—a nangi bane ni mauna. E beritanaki n te Baibara bwa a na maiu ni kukurei n aki toki aomata n te aonnaba ae te Bwaretaiti.
3. Ko na kangaa n onimakina te kantaninga ae kakukurei are beritanna te Baibara?
A bati aomata aika kantaningai rikini baika raraoi, ma a aki koaua raoi bwa a na boni koro bukin aia kantaninga akanne, ke a na aki. Ma a boni kaokoro berita aika n te Baibara. Ti kona ni karikirakea onimakinani berita aikai ngkana ti “ukeuke raoi n te Koroboki ae Tabu.” (Mwakuri 17:11) Ngkai ko a reiakina te Baibara, ko nang kona n iangoia i bon iroum bwa ko na kakoauaa te bae taekinaki iai ibukin taai aika imwaira ke ko na aki.
REIAKINA AE BATI RIKI
Iangoi bwaai tabeua aika e beritani te Baibara ibukin taai aika imwaira. Nora aron ana berita te Baibara ni buokiia aomata ngkai.
4. E beritanaki n te Baibara bwa ti kona ni maiu n aki toki n akea te kangaanga
Nori berita aika karinanaki n te Baibara aikai. E nga ae ko tangiria riki? Bukin tera?
Wareki kiibu aika koreaki i rarikini berita akanne, ao rinanoi titiraki aikai:
-
N am iango, ko buokaki ni kiibu aikai? A kona ni buokaki naba iai am utu ao raoraom?
Iangoia bwa ko maeka n te aonnaba ae
|
AKEA IAI AE E NA . . . |
A NA BANE IAI AOMATA . . . |
|---|---|
|
|
|
|
|
|
|
|
|
|
5. A kona n nakoraoi riki maiura n te kantaninga ae beritanaki n te Baibara
A bati aomata aika bwara nanoia ke a aki kukurei naba ni kangaanga aika otabwaniniaki iai. Tabeman a kakorakoraia ni kanakoraoi bwaai. Nora aroni buokaia aomata man ana berita te Baibara, ae a na bon nakoraoi bwaai. Kaota te TAAMNEI, ao maroroakini titiraki aikai.
-
N aron ae oti n te taamnei, tera te ribuaka are tabeaianga iai Rafika?
-
E ngae ngke e aki toki te ribuaka are e noria neiei, ma e kangaa ni buokaki n te Baibara?
Ti kona ni buokaki n te kantaninga ae kakukurei ae beritanaki n te Baibara ibukin taai aika imwaira, n tokanikai i aon te bwarannano ao ni kateimatoa kukureira. Wareka Taeka N Rabakau 17:22 ao I-Rom 12:12, ao maroroakin titiraki aikai:
-
N am iango, e kona n nakoraoi maium ngkai, man onimakinan te bae beritanna te Baibara ibukin taai aika imwaira? Bukin tera?
A TAKU TABEMAN: “A kangaanga ni koro bukin ana berita te Baibara ibukin taai aika imwaira.”
-
Bukin tera ngkai ko iangoia bwa e kakawaki bwa ko na nora kakoauaan ae a na boni koro bukin ana berita te Baibara?
KAKIMOTOTOANA
A bati berita aika kakukurei ibukin taai aika imwaira n te Baibara, aika a anganira te kantaninga ae kakukurei ao a buokira n tokanikai i aoni kangaanga ngkai.
Kauring
-
E aera ngkai a kainnanoa te kantaninga ae kakukurei aomata?
-
Tera ae taekinaki n te Baibara ibukin taai aika imwaira?
-
E kangaa karekean te kantaninga ae kakukurei ibukin taai aika imwaira ni buokiko ngkai?
NORI NABA AIKAI
Reiakina riki aron te kantaninga ni kona ni buokiko ngkana iai am kangaanga.
Nora aron te kantaninga ibukin taai aika a na roko ni kona ni buokiia naake a rotaki n te aoraki ae wenemaan.
“Te Aoraki ae Wenemaan—E Kona n Ibuobuoki te Baibara?” (Te kaongora n jw.org)
Ngkana ko mataku n te anene ae iai taamneina aei, iangoiko ma am utu bwa kam a mena n te Bwaretaiti are e beritanna te Baibara n te tai ae imwaira.
Wareka aroni bitakini maiun temanna te tia anai nanoia aomata nakon te bitaki, ngke e a reiakina taekan ana berita te Baibara ibukin taai aika imwaira.
“I Aikoa Iangoia Bwa I Riai ni Bita Aroia Aomata” (Te Taua-n-Tantani, Turai 1, 2013)
Ko Bae Naba n Tangira
TITIRAKI AIKA TATABEKAKI
Tera te Reirei n te Baibara?
Karekei kaekaan titiraki ni kaineti ma kairan te reirei n te Baibara iroura.
