REIREI 03

Ko Kona n Onimakina te Baibara?

KAMAIUA

A bati berita ao taeka n reirei n te Baibara. Ko bae ni kan atai ana reirei te Baibara, ma tao ko bon raraoma naba. Ko riai n onimakini berita ao taeka n reirei man te boki nikawai? Ko kakoauaa raoi ana taeka te Baibara ae ti kona ni kukurei ni maiura ngkai ao n taai aika imwaira? Iai mirion ma mirion aomata aika kakoauaa anne. Ti a noria bwa ko kona naba ngkoe ni kakoauaa ke ko aki.

1. Te Baibara bon te boki ae koaua ke te otokaraki?

E taekinaki n te Baibara bwa a koreaki iai “taeka aika koaua aika eti raoi.” (Te Minita 12:10) E taekini baika a bon riki aika irekereke iai aomata ni koaua. (Wareka Ruka 1:3; 3:1, 2.) A bati taani koro rongorongo ao taan rabakau ni bwain aantano ake a noria ae a eti raoi boongi n namwakaina, aomata, taabo, ao baike a riki ake a taekinaki n te Baibara.

2. E aera ngkai ti kona n taekinna bwa e tuai bane tain te Baibara?

E aki toki te Baibara n taekini baika a tuai n riki, n te tai are e korei iai taekaia. N te katoto, e taekini baika irekereke ma te rabakau n aonnaba. Angini baike e taku te Baibara a bon aki atai aomata, n taai ake a koreaki iai taekaia. Ma e a kamatoaaki riki n te rabakau ae boou bwa a bon eti baike e taku te Baibara. E “onimakinaki n taai nako, ngkai ao n aki toki.”—Taian Areru 111:8.

3. E aera ngkai ti riai n onimakini baika taekinaki n te Baibara ibukin taai aika imwaira?

Iai taetae ni burabeti a n te Baibara aika kaman taekini “bwaai aika tuai n riki.” (Itaia 46:10) A bati bwaai aika riki ake e a kaman taekin imwain rikia. E kabwarabwarai raoi naba bwaai aika a na riki n taai aikai. N te reirei aei, ti na nori taetae ni burabeti tabeua man te Baibara. E bon rangi ni kamimi aroni koauaia!

REIAKINA AE BATI RIKI

Nora aron te rabakau ae boou ngkai ni boraoi ma te Baibara, ao neneri tabeua ana taetae ni burabeti te Baibara aika rianako.

4. E boraoi te rabakau ae boou ma te Baibara

N taai ake rimoa, a kakoauaa angia aomata ae e tinetine te aonnaba i aon te bwai teuana. Kaota te TAAMNEI.

TAAMNEI: E Tinetine te Aonnaba i Aon te Akea (1:13)

Nora te bae e koreaki n te boki ae Iobi tao 3,500 te ririki n nako. Wareka Iobi 26:7, ao maroroakina te titiraki aei:

E aera ngkai e kamimi te taeka ae e tinetine te aonnaba “i aon te akea”?

A a tibwa ota raoi aomata n aroni butin te ran n te aonnaba, n 1800 tabun. Ma nora te bae e taekinna te Baibara nga ma nga te ririki n nako. Wareka Iobi 36:27, 28, ao maroroakin titiraki aikai:

E aera ngkai e kamimi kabwarabwaraani butin te ran ae kai ota aei?
Ko buokaki ni kiibu aika ko a tibwa wareki aikai bwa ko na onimakina riki te Baibara?

5. E a kaman taekini rikini baika kakawaki te Baibara

Wareka Itaia 44:27–45:2, ao maroroakina te titiraki aei:

Baikara baike e a kaman taekin te Baibara 200 te ririki imwaini bwakani Baburon?

Kaota te TAAMNEI.

TAAMNEI: E a Kaman Taekina Bwakani Baburon te Baibara (0:58)

E kakoauaaki n rongorongon rimoa bwa te Uea ae Tairati mai Botia ao ana taanga ni buaka, a kataenikaia te kaawa ae Baburon n 539 B.C.E. b A bita kawain te ran are kamanoa te kaawa. Imwin rinia n te kaawa ni mataroa ake a tiku n uki, a a kataenikaia naba n aki buaka. Ni boong aikai, e raka i aon 2,500 te ririki imwin anne, ao e tiku Baburon n urubekebeke. Nora te bae e a kaman taekinna te Baibara.

Wareka Itaia 13:19, 20, ao maroroakina te titiraki aei:

E kangaa ni kakororaoaki te taetae ni burabeti aei ni bwakani Baburon?

Baburon ae urubekebeke ni boong aikai i Iraq

6. A kaman taekinaki n te Baibara baika ti a nori ngkai

E taekinaki n te Baibara bwa ti a maeka ni “kabaneani bong.” (2 Timoteo 3:1) Nora te bae e a kaman taekinna te Baibara ibukini kabaneani boong.

Wareka Mataio 24:6, 7, ao maroroakina te titiraki aei:

Baikara baika a na riki ni kabaneani boong aika taekinaki n te Baibara?

Wareka 2 Timoteo 3:1-5, ao maroroakin titiraki aikai:

Baikara aroaroia aomata aika taabangaki ni kabaneani boong ake a taekinaki n te Baibara?
Baikara aroaro mai buakon aikai aika ko a tia n nori?

A TAKU TABEMAN: “Te Baibara boni bokin te otokaraki ao karaki nikawai.”

N am iango, tera ae oti raoi iai bwa e boni kona n onimakinaki te Baibara?

KAKIMOTOTOANA

A oti n rongorongon rimoa, te rabakau n aonnaba, ao te taetae ni burabeti bwa e boni kona n onimakinaki te Baibara.

Kauring

Te Baibara bon te boki ae koaua ke te otokaraki?
Baikara itera tabeua ake e boraoi iai te rabakau n aonnaba ma te Baibara?
Ko iangoia bwa e taekini kanoan taai aika imwaira te Baibara? Kabwarabwaraa am kaeka.

E bane te reirei aei n:

Kataia

Ibukini kakorakoraan onimakinan te Baibara iroum, wareki ke mataku n teuana mai buakoni baika oti i aan Nori Naba Aikai.

Tabeua Riki:

Your other goal