MWAKORO 4
Tera Are e a Riki Nakoia Imwin Ongeabaia Iroun Tatan?
A aki ongeaba Atam ma Ewa iroun te Atua, ai ngaia are a a mate. Karikani Bwaai 3:6, 23
E ongeaba Ewa iroun te naeta ao e a kana uaan te kai. Imwina, e angan Atam ao e kanna naba.
E boni kairua te bwai are a karaoia bwa bon te bure. E a kanakoia te Atua bwa a na kitana mwengaia are te Bwaretaiti.
E a rangi ni kangaanga te maiu ibukia ma natiia. A a rikirake ni kara ao ni mate. A aki nakon te aba n taamnei ma ai bon akea ngaiia.
A na riki akana mate n aron te tano ae akea te maiu iai. Karikani Bwaai 3:19
Ti bane ni mate ibukina bwa ti riki mairoun Atam ma Ewa. A aki kona n noraaba maate, a aki kona naba ni kakauongo ke ni karaoa te bwai teuana.
E aki tangiria Iehova bwa a na mate aomata. E a kaan te tai are e nang kautiia iai maate. Ngkana a ongeaba irouna ao a na boni maiu n aki toki.
Ko Bae Naba n Tangira
REIREI AIKA RANGI NI KAKAWAKI N TE BAIBARA
Tera ae E na Riki Nakoia Maate?
E beritanaki n te Baibara te tai are a na kautaki iai aomata aika bati man te mate, n aron are riki iroun Rataro.
REIREI AIKA RANGI NI KAKAWAKI N TE BAIBARA
Bukin Tera Bwa E Kariaia te Rawawata te Atua?
A bati aika titiraki bwa e aera ngkai e a onrake te aonnaba n te riribai ao te rawawata. Iai te kaeka ae karaunano n te Baibara.
