E rangi n irekereke te reirei ni kaetieti ma te tuatuangaki ao te reireinaki, ma e irianaki naba ma te kaetaki ke te katuuaaeaki. E reireinira ni kaetietira Iehova bwa ti aonga ni kona n taromauria n te aro ae boraoi ma nanona. (Ro 12:1; Ebr 12:​10, 11) N tabetai e kona ni kammaraki te reirei ni kaetieti ma ngkana ti maiuakinna, ti a karekea akoara i matan te Atua ao ni kakabwaiaaki irouna. (TNR 10:7) Ma tera ae a riai n ururingnga naake a aanga te reirei ni kaetieti ao naake a anganaki?

Te tia anga. N aron Iehova, a kakorakoraia naba unimwaane, kaaro, ao tabeman riki n anga te reirei ni kaetieti ma te akoi ao te tangira. (Ier 46:28) E riai naba ni matoa te reirei ni kaetieti ngkana e boni kainnanoaki, ma e na aanaki n te tangira.​—Tit 1:13.

Te tia anganaki. N aki ongeia bwa te aeka n reirei ni kaetieti raa ae ti karekea, ti aki riai n rawa nako iai, ma ti na waekoa ni maiuakinna. (TNR 3:​11, 12) Ngkai ti aki kororaoi, ti bane ni kainnanoa te reirei ni kaetieti n aekana nako. Ti kona n reireiaki ni kaetaki n te baere ti warekia man te Baibara, ke te bae ti ongoraeakinna ni bobotaki n taromauri. Ke n tabetai, iai aika a boni kainnanoa te reirei ni kaetieti mairouia kaain te komete ni kaboowi n te ekaretia. Mutiakinan te reirei ni kaetieti e boni kairiri nakon te maiu.​—TNR 10:17.

MATAKU N TE TAAMNEI AE “AKANA E TANGIRIIA IEHOVA AO E REIREINIA NI KAETIETIIA,” AO KAEKAI TITIRAKI AIKAI:

• Tera aroni maiun Canon n te moantai, ao e kangaa ni bitaki?

• Tera te reirei ni kaetieti ae tatangira are e karekea mairoun Iehova?

• Baikara reireiara man rongorongona?