TARATARA! Na. 3 2021 | Ko Riai ni Kakoauaa te Tia Karikiriki?—Rineia Ngkoe
A kakaokoro aia iango aomata ni kaineti ma moan rikin te iuniweeti ao baika maiu n te aonnaba. E na buokiko te Taratara! aei, n nori bwaai ni kakoaua ao n iangoia i bon iroum bwa tera ae koaua. E riki te iuniweeti man te akea ke e manennanti n riki, ke e karikaki iroun te Atua? Ko na boni kakabwaiaaki n ataakin te kaeka.
Ko na Kangaa n Rineia?
A bati aika minotaki aia iango ibukin titiraki i aon te karikibwai ao moan rikin te maiu.
Te Bwai ae Ti Kona n Reiakinna Man te Iuniweeti
N taraana e karikaki te iuniweeti ao te aonnaba ibukini baika maiu ni kabane. Te koaua bwa a karaoaki bwa a na riki n aron anne?
Te Bwai ae Ti Kona n Reiakinna Mani Baika Maiu
A boni karika ara buraneti aei baika maiu bwa e na rangi n tamaroa. Tera ae ti kona n reiakinna ni kaineti ma moan rikin te maiu?
Te Bwai ae A Aki Ataia Taan Rabakau
A kona taan rabakau ni kabwarabwaraa aroni moan rikin te iuniweeti ao te maiu?
Te Bwai ae Ti Kona n Reiakinna Man te Baibara
E boraoi te bwai ae taekinna te Baibara ma koaua n te rabakau n aonnaba?
Kakawakin Ataakin te Kaeka
Ngkana ko kairaki n te bwai ni kakoauaa bwa iai te Atua ae moan te mwaaka, ane ko na kakabwaiaaki ngkai ao n taai aika a na roko.
Nenera te Bwai ni Kakoaua
Iangoa bukina ae ko na kakoauaa bwa bon iai te tia Karikiriki.
