Antai te Atua?
A bati aomata aika taku bwa a kakoauaa te Atua. Ma ngkana ko titiraki bwa antai te Atua ao ane ko na karekei kaeka aika kakaokoro. A taku tabeman bwa e tuabuaka te Atua, bwa tii te kani kakatuuaaeia aomata ibukin aia bure. Irouia tabeman e tatangira ao e kakabwarai buure n aki ongei baika a karaoi. Ma bon iai naba aika kakoauaa ae e raroanako te Atua ao e aki tabeakinira. Man iango aika kauntaba aikai, e a kairiia aomata aika bati bwa a na iangoia bwa e boni kangaanga ataakin ae antai te Atua.
E kakawaki ataakin ae antai te Atua? Eng. E kona ataakin raoi te Atua ni karekea te kantaninga ae raoiroi ao te bae kakawaki ni maium. (Mwakuri 17:26-28) Ngkana ko a kaan riki ma te Atua ao e na tangiriko riki ao ni buokiko. (Iakobo 4:8) Ao ae kakawaki riki, e kona karekean te atatai ae eti ibukin te Atua ni kairiko nakon te maiu n aki toki.—Ioane 17:3.
Ko na kangaa n ataa te Atua? Iangoa temanna ae ko rangi ni kinaa n aron raoraom ni kaan. E kangaa n rikirake ami reitaki? Tao ko karekea moa ataakin aran te aomata anne, aroarona, baike e tatangiri ao ake e riribai, ao baike e a tia ni karaoi ao baika e na karaoi, ao a a bati riki. Ko a kinaa te aomata anne, bwa ko a atai aroarona.
Ti kona naba n ataa te Atua man iaiangoani baikai:
E katauraoaki te maekatin aei bwa e na kaekai titiraki akanne man te Baibara. A aki tii buokiko kaongora aikai n ataia bwa antai te Atua, ma a buokiko naba n ataa aroni kakabwaiaam ngkana ko a karekea am iraorao ma ngaia.
Ko Bae Naba n Tangira
TE TAUA-N-TANTANI
Ti Boni Kona ni Kunea te Atua?
Ti kona n ataa raoi te Atua man ataakin raoi aroarona nako.
