“Ke E Roko Ueam”—Aia Tataro Mirion ma Mirion Aomata
Ko a tia n tatataro ibukin rokon Ana Tautaeka n Uea te Atua? I nanon irabubua ngkai te ririki, ao a bon tataekin naba taeka aikai aomata, “Ke e roko ueam.” E aera ngkai a tataro n aron anne? Ibukina bwa e tuangia Iesu taan rimwina bwa a na tataro ibukin Ana Tautaeka n Uea te Atua.
A aki naba ota n te moantai taan rimwin Iesu, ni baike e taekin ibukin te Tautaeka n Uea. A titirakinna ni kangai: “Te Uea, ko nangi manga kaoka te tautaeka n uea nakoia tibun Iteraera n te tai aei?” Tao a boni mimi ngke e aki kaekaa raoi aia titiraki Iesu. (Mwakuri 1:6, 7) Nanona bwa ti a aki kona n ataia bwa tera Ana Tautaeka n Uea te Atua ao e na roko n ningai? Tiaki ngaia anne!
E na buokiko Te Taua-n-Tantani aei ni kaekai titiraki aikai:
E aera ngkai ti kainnanoa Ana Tautaeka n Uea te Atua?
Antai te Uea n Ana Tautaeka n Uea te Atua?
N ningai ae e na tautaekana iai te aonnaba Ana Tautaeka n Uea te Atua?
Tera ae e na kakororaoia Ana Tautaeka n Uea te Atua?
E aera bwa ti riai ni boutokaa ngkai Ana Tautaeka n Uea te Atua?
Tera Ana Tautaeka n Uea te Atua?
Ko Bae Naba n Tangira
REIREI AIKA RANGI NI KAKAWAKI N TE BAIBARA
Tera Ana Tautaeka n Uea te Atua?
N ana mwakuri ni minita Iesu ao e bati riki ana tai n angareirei i aon taekan Ana Tautaeka n Uea te Atua. I nanon tienture aika bati, a a tia taan rimwina n tataroa rokon te Tautaeka n Uea anne.
