Ti Tangira te Aonnaba ae Tamaroa Riki!
E taku António Guterres ae te tia koroboki ni kabuta n te United Nations, “Ti a maeka n te aonnaba ae mangaongao.” Ko boraoi n iango ma anne?
A rangi ni bati rongorongo n taiani kaongora n aron
Te aoraki ao te buti n aoraki ni kabutaa te aonnaba
Taiani kabuanibwai aika karina
Karakon bwaai ao te baki
Te kabarekareka ao rikirakeni kabuebuen te aonnaba
Te kakeru, te iowawa, ao te babakanikawai
Buaka
E teretere ngkanne bwa ti a boni kainnanoa te aonnaba ae tamaroa riki. Te aonnaba ae e na
Kororaoi te marurung iai
A na mano raoi ao a na mweraoi aomata nako iai
Bati iai te amwarake
Taraaraoi te otabwanin
Karaoaki iai te kaetitaeka n te aro ae riai
Rau ni kabutaa
Ma tera ae nanonaki ngke ti taekina te aonnaba ae tamaroa riki?
Tera ae e na riki nakon te aonnaba ae ti maeka iai ngkai?
Tera ae ti kona ni karaoia n te aro bwa ti aonga ni kona ni maeka n te aonnaba ae tamaroa riki?
E na kabwarabwaraaki n Te Taua-n-Tantani aei ana kaeka te Baibara ae karaunano nakon titiraki aikai ao ake tabeua riki.
Ko Bae Naba n Tangira
TE TAUA-N-TANTANI
E Aera Ngkai Ti Kainnanoa Ana Tautaeka n Uea te Atua?
A na bon riki kangaanga ngkana a tautaekania i bon irouia aomata aika aki kororaoi.
