Ko Kona ni Karekei Kakabwaia Aika Akea Tokia Mairoun te Atua ae Tatangira
Ko kariariaa te aonnaba ae akea iai te buaka, te iowawa, ao te kaiangatoa?
Ko kantaningaia bwa e nang toki te aoraki, te rawawata, ao te mate?
Ko tangiria bwa e na toki raraomam ao tabeaiangam?
Ko kani maeka n te tabo ae akea iai kabuanibwai aika karina?
E beritanna Atuara ae tatangira ae te tia Karika ara buraneti ae tamaroa aei, bwa e na angania aomata te maiu ae rau, ao te kukurei ae akea tokina. Bon tiaki tii te mii aei.
Ni kaongora aika imwina, ti kaungako bwa ko na iangoi baikai:
Ana namakin ara tia Karikiriki ibukia aomata
Baika kaotaki nakoira man ana Taeka te Atua ae kaira koreana
Baike a kaotii ana burabeti te Atua ni kaineti ma kakabwaia ake e beritani
Te bae ti na karaoia bwa ti aonga ni kukurei ngkai ao ni karekei ana kakabwaia te Atua aika akea tokia n te tai ae e a tia ni baireia
Ti na moanna moa man neneran aron ana mwamwannano te tia Karikiriki ibukia ana aomata.
