Ti kakairi n ana taeka n reirei te Baibara ae kangai “karineia aomata ni kabaneia,”​—n aki ongeia bwa tera aia koaua n aia Aaro. (1 Betero 2:​17, BK) N te katoto, iai bubua ma bubua tenga Ana Tia Kakoaua Iehova n aaba tabeua. Ma e ngae n anne, ti aki kataia ni kairoroia kaain te tautaeka ke taani karao tua bwa a na katei tuua ke ni katoki aia mwakuri Aaro ake tabeua riki. Ti aki naba mwaati ni kaotinano bwa a aonga ni kateaki tuua aika a na iraki iai aroarora ao ara koaua irouia aomata nako. Ma ti karineia aomata nako ao ni kakaitau naba ni karaoan anne nakoira.​—Mataio 7:12.