Kauringaani Maten Iesu
Kaonobong, Eberi 12, 2025
Ni katoa ririki ao Ana Tia Kakoaua Iehova a kakaraoa kauringaani maten Iesu n aron are e tua ngke e kangai: “Kakaraoa aei bwa kanuringau.”—Ruka 22:19.
Ti kaoko bwa ko na kaea te botaki aei.
Titiraki Aika Tatabekaki
Maanra te botaki aei?
E na karaoaki tao i nanon teuana te aoa.
E na boo ia?
Reitaki ma Ana Tia Kakoaua Iehova ibukin rongorongona n am tabo.
Iai te kanrin iai?
Akea.
Iai te karemwangko?
Akea.
Tera tein te kunnikai iai?
E ngae ngke e aki taekinaki tein te kunnikai ibukin te botaki aei, ma a kakorakoraia Ana Tia Kakoaua Iehova ni maiuakina ana taeka n reirei te Baibara, n aroia ni kunnikainia n te aro ae riai ao ni karinerine. (1 Timoteo 2:9) E aki kainnanoaki te kunnikai ae bobuaka ke ae riao katamaroaana.
Tera ae e na karaoaki n te Kauring?
E na moanaki ao ni kainaki te botaki n te anene ao n te tataro mairoun te tari temanna ae Ana Tia Kakoaua Iehova. Kanoan te Kauring ae kakawaki aei, bon te kabwarabwara ibukini kakawakini maten Iesu, ao arora ni kakabwaiaaki man te bae a a tia ni karaoia te Atua ao Kristo ibukira.
Ibukin rongorongona riki, nora te kaongora ae “E Aera Ngkai E kaokoro Aroia Ana Tia Kakoaua Iehova ni Karaoa Ana Katairiki te Uea ma Aaro Ake Tabeua?”
E na boo n ningai te Kauring n taai aika imwaira?
2025: Kaonobong, Eberi 12
2026: Kaabong, Eberi 2
Ko Bae Naba n Tangira
TE KAURING
Kauringa Maten Iesu
Ti kukurei ni kaoko bwa ko na raonira n te botaki ae kakawaki aei. Ko na reiakina iai arom ni kakabwaiaaki mani maiun ao maten Iesu.
REIREI AIKA RANGI NI KAKAWAKI N TE BAIBARA
Bukin Tera Ngke E Mate Iesu?
E kaotaki n te Baibara rianakoni kakawakini maten Iesu. Iai te kantaninga ni matena?