BÀÀ kà ńnváá géè gbá tọ kyã̀à gbẹá boǹ Baguio ea di dó Philippine. Ba beè ẹ̀b nú e ólò sẹlẹ kpá boo sõò bà náa beè kyã̀à bã ló. Ene kà vígà pábia ea kọlà Helen ea beè di élá ló nú e ólò sẹlẹ kpá booá beè gbóó kpeeve sĩ́ mang nè va. Ba beè kilsĩ́ boo ba kyẽè, sõò bé e Helen beè kpeeve sĩ́ mang nè va naa beè palàge leemá va.

Tṍó e bàà kà ńnvááá di mm̀ faà e bà gé kil tọ, ba beè mòn Kíndòm Họ́ọ̀l e jw.org di gbàà kú. Ba beè gbóó kẽ̀èa boo kọọ̀ íb émì nuá ní e ba beè mon ló nú e ólò sẹlẹ kpá booá ẹ́. Pálàa ọ̀và beè aa mm̀ faàa vaá kyã̀à bã ló gbàn sĩ́ Kíndòm Họ́ọ̀lá gé ẹ̀b buù deè e bà ólò sẹlẹ nònù.

Bàà kà ńnvááá beè gbóó sí ene kà gbò nònùá. A beè palàge bọọ́ vá ló tṍó e bà bã́ Kíndòm Họ́ọ̀lá vaá mòn Helen. Ba beè gbẹá boo kẽ̀èa boo kọọ̀ níà nen ea beè kpeeve sĩ́ mang neè vaá. Helen kọ́ọ̀: “Pọ̀ beè siím tṍó e ba kyãà dú ḿ ló, boo béè kọọ̀ ním̀ nyímà ló nú ea fáálá va domá ḿ ló.” Sõò, bàà kà ńnvááí beè kọ́ nè Helen kọọ̀ ba beè monìèe ló nú e ólò sẹlẹ kpá boo.

Nònù deeá beè palàge leemá bàà kà ńnvááí vaá lóó va beè dĩ̀ìnà. Tṍó e bà mon gbò nen e bà gé kpálí kè tọọ̀ Kíndòm Họ́ọ̀l tṍó e bà zaalà nònù, ba beè bĩiná beè bàé láá zọẹ̀ va kpalìẹ̀. Ene kà ńnvááá beè aa dó Philippine kil dõòna kà dó, sõò, nakà ńnvááá dì ea gé sí nònù vaá dààmà togó gè nó Kpá Káí. Lé nu beè sìlà aa mm̀ ge kpeeve sĩ́ mang!