NVÈÈ SĨ́ LÓ GÈ KỌ́ KPẸ̀A | KPÁÁ PALÀGE IÉ Ẹ́Ẹ́ NYÍE MM̀ O SÌTÓM KỌ̀ KPẸ̀A
Nvèè Bá Nè Gbò Eo Ólò Noòmà Kpá Káí Kọ Bàá Sí Nònù
Ge olòó sí nònù dú kà pọ̀b kà gá ea di ló õ̀òa fã̀. (Ps. 22:22) Kọ̀láá gbò e bà bṍóná vaá fã̀ Jìhóvà ólò ié zààvà nè tã́áná dee bá. (Ps. 65:4) Nen ea gé nó Kpá Káí ólò vàlẹ̀ bá sìm kilsĩ́ tṍó ea ólòó sí kọ̀láá kà nònù.
Mósĩ́ deè ní eo é láá nvèè bá nè gbò eo ólò noòmà Kpá Káí kọ bàá sí nònù ẽ? Olòó kolí va kọ bàá sí nònù. Zogè va vídiò ea kọlà Éé Ní Ea Ólò Naaá Kingdom Họ́ọ̀l lẹ? Baatẽ́ gbò bélè ea di ló gè sí nònù. (lff 10 nu gè nò) Òó láá zọ̀ va ló bel boo ene kà nú eo beè nó gbẹá nònù àbèè gbò nú e bàé nó gbẹá nònù sèa. Tú gbò kpá e bàé nó gbẹá nònù nè gbò eo ólò noòmà Kpá Káí. Nagé, naa gbò nú ea é nveè bá nè va. Be à sẹlẹ òó láá ọví va àbèè ge kpẽ́ va kpègè faà boo. Kọ̀láá kà pììgà eo piigà kọbéè nen eo ólò noòmà Kpá Káí láá sí nònù túá dee é dọ bélè.—1 Kọ́r. 14:24, 25.
Ẹ̀B VÍDIÒ EA KỌLÀ NVÈÈ BÁ NÈ GBÒ EO ÓLÒ NOÒMÀ KPÁ KÁÍ KỌ BÀÁ SÍ NÒNÙ, VAÁ Ò GBÓÓ AALÁ NAGBÒ BÍBVÍ:
-
Mókà nèà deè ní e Neeta beè kolmá Jade siimá nònù ẽ?
-
Éé ní ea ólò naa kọọ̀ nyíéi á ẹẹ tṍó e nen e ólò noòmà Kpá Káí sí nònù ẽ?
-
“Kà kà kọọ̀ kè sĩ́ Bàrì dìí zẹ̀ẹ̀”
Éé ní ea beè naaá ló Jade túá deé ea sí nònù ẽ?
