• Ps. 69:​30, 31​—Mósĩ́ deè ní e gbò gã́belí é nveè bá nèi kọ é láá kpáá tãagã ló Bàrì leevèe? (w99 1/15 18 ¶11)

  O ààla

• Mókà gbò lé nu ea di mm̀ bugì Kpá Káí sèí ní ea é léémá ni gè kọ́ nèi ẽ́?

  O ààla

Ló January 2009, ba beè gbá Congregation Book Study, Theocratic Ministry School nè Service Meeting naamá tẽ̀ènè kà nònù èèlè nyíè zẹ̀ẹ̀ sè. Níí náa kọọ̀ buù kà pá tọ á ié enè dee buù sè ge sẹ̀ẹ̀mà ba fã̀ pá tọ. Gã́bug pá tọ a kọ́ bé e nyíé va ẹ́ẹ́lìẹ̀ ló nakà nòònù e ba beè nvee kẽí boo béè kọọ̀ à nveè bá naa kọ bàá kpáá tõo bã kpàn Jìhóvà nè ene.​—Dìt. 6:​6, 7.

Mókà gbò nòòkúu ní ea é láá nveè bá nè gbò tẹ̀ boo tọ kọ bàá láá kilsĩ́ gè ié fã̀ pá tọ ea é dọ bélè nè va buù sè e?

• Naa kọ a sẹẹa buù sè. Be à válí, iei tṍó eo sẹlẹ̀ì bọọ fã̀ pá tọ buù sè. Sai dõona dè eo é ólòó sẹlẹi be à gá náa nóo láà sẹlẹi deé eo ólò iei

• Kpoogá dee ló. Zọ̀ o va loá bel boo, vaá sìgà tṍó ò bĩ́íná lọ̀ọ̀gà bùlà lọl bá pá o nvín. Náa dú bíi kọ ó tú gbele tõ̀ò tṍó nvee mm̀ ge kpoogá dee ló, bọọ èlmà tõ̀ò be pá o tọ ólò bọọgẹ̀ dé kpéè ló gè gbá naa enè íb nu buù sè

• Nyaaná bá ló nú eo é lói bel boo nyòòmà bíi pá o tọ. Bé e gbò pá nvìn gé bọọ naa, níà bé e ba bíi nè nú e bàé láá naa ólò nyaaá naa ẽ́. Nú eo nói á siè kpóó ló pá o tọ kọ bàá ié zìgà vaá tõo bã kpàn Jìhóvà

• Naaní e dénè nen é íe dĩ̀ìnè ló. Sìgà tṍó, noo gè sẹlẹi bọọ fã̀ pá tọ gbẹá kedẹ̀i tṍó e sĩ́dee dú lé. Noo tṍó gè sẹ̀ẹ̀à be à dú bíi. Náa kal ló béè kọọ̀ àé láá dú bíi kọ ó ló bel boo sìgà ànà-ànà e pá o nvín gé kpeesĩ́ ló, ó gá tú tṍó fã̀ pá tọ naamá tṍó gè bèl va bel ló àbèè ge nè va kpọ̀té

• Noo kele-kele nu gè naa. Dì belí nu dòòmà bá, òó láá kpoogai dee ló nyòòmà nú e bàé nó gbẹá nònù sèá, gbá ẹbvii vaá loi sọ́l boo vídiò ea di boo jw.org, nè gé nó bé eo é láá kọi kpẹ̀a naa. À dú kà-kà kọọ̀ fã̀ pá tọ bãa mm̀ ge gbá loá sọ́l, sõò òé láá noonii tṍó e buù nen e nó nágé nu boo a loo

Loi sọ́l boo bíbví:

• Mósĩ́ deè ní eo ni piigà ge tú nakà gbò nòòkúuí siimá tóm mm̀ bọọ fã̀ pá tọ ẹ?

  O ààla