NVÈÈ SĨ́ LÓ GÈ KỌ́ KPẸ̀A | KPÁÁ PALÀGE IÉ Ẹ́Ẹ́ NYÍE MM̀ O SÌTÓM KỌ̀ KPẸ̀A
Tú Nvèè Bá Ea Aa Bá Pá Vígà
Ge nvèè bá nèi, Jìhóvà néi pá vígà págbálà nè pábia “e bà di dénè bàlà booí.” (1 Pít. 5:9) Bàé láá nvèè bá nèi kọ é bé èlbá gbò ànà-ànà e kpeè sĩ́ ló tṍó e gé kọ́ kpẹ̀a. Dì belí nu dòòmà bá, neǹ tóm Pọ́ọ̀l beè ié bélè lọl ló nvèè bá ea aa bá Akílà nè Presélà, Sáílàs, Tímotì, nè dõòna gbò.—Tóm 18:1-5.
Mósĩ́ deè ní e pá vígà é láá nvèè bá nè ni tṍó eo gé kọ́ kpẹ̀a ẹ́? Bàé láá nè ni lọ̀ọ̀gà bùlà ea kil ló bé eo é láá bé èlbá nàà uú boo naa, bé eo é láá sì gé kãa nen naa, àbèè bé eo é láá dààmà togó vaá sẹlẹ nò Kpá Káí naa. Bugi togó boo nen ea di mm̀ bọọ bõ̀ònatõ̀ò ea é láá nvèè bá nè ni, vaá ò kọ́ nèe kọ á nveenìè bá neè ni. Mm̀ kà kà, níí é dọ bélè nè pálàa bọ̀ì, vaá naa kọọ̀ nyíéi á ẹẹ. —Fíl. 1:25.
Ẹ̀B VÍDIÒ EA KỌLÀ IÉ Ẹ́Ẹ́ NYÍE EA AA LÓ GÈ NAA KỌỌ̀ GBÒ NEN Á NYOONE NVÉÈ KRÁÌST—TÚ NVÈÈ BÁ EA AA BÁ JÌHÓVÀ—PÁ VÍGÀ, VAÁ Ò GBÓÓ AALÁ NAGBÒ BÍBVÍ:
-
Mósĩ́ deè ní e Neeta beè siè kpóó ló Jade kọ á sí nònù ẽ?
-
Éé ní ea náa vaá èé kólí dõòna kà gbò kọ̀ kpẹ̀a kọ bàá zọ̀i gé sẹlẹ nò Kpá Káí é?
-
À dú tóm zivèkà bõ̀ònatõ̀ò ge láá naa kọọ̀ nen á nyoone nvéè Kráìst
Éé ní e Jade nè Abigay beè gbá ié lèèma m ẽ́?
-
Mókà gbò kalì ge siimá tóm kọ̀ kpẹ̀a, ní e pá vígà é láá noòmà ni ẽ́?
