Mm̀ ẽ́ November, èé palàge siá kpóó ló vaá kọ́ lé kpẹ̀a kọọ̀ ãa bàlà boo a íná kuló. (Ps. 37:10, 11; Kùùà 21:3-5) Nyaaná bá ló o nòònù kọbé ò láá palàge dõ̀ònà tõ̀ò ló vèènùí. Gbò e bà bã́ boo tóm gyà deè sĩ́ tóm ló ẽ́á, é láá sà ge nè 30 àbèè 50 kà ávà.

Kpoogá dee ló ge bugi enè dọ̀ Kpá Káí nè gã́bug nen ea váli ní ló. Tṍó eo gé sa dọ̀ Kpá Káí eo é bugi, bugi togó boo ní ea é léémá gbò e bà di kiẽ́e eo ólò kọi kpẹ̀a. Be nen íe lèèmá m túá tṍó eo ínàé ló, nèe Kpá Tọ Kùdẽe Ló No. 2 2021, níí ge nè. Tṍóá, ò gbóó vàlẹ̀ bá òòa kẽ síé ló vaá zọ̀ẹ noá Kpá Káí lọl mm̀ bróshọ̀ ea kọlà Dé Kpéè Ló Dùm Dọ̀ọ̀mà Dè-dè! Àé dú kà nuù ẹ́ẹ́-ẹẹ̀ nyíe ge dõ̀ònà tõ̀ò ló “lé kpẹ̀a ea kil ló lé nú ea gé dú”!—Àìz. 52:7.

Ẹ̀B VÍDIÒ ÃA SỌ́L EA KỌLÀ ÃA BÀLÀ BOO EA É DÚ, VAÁ Ò GBÓÓ AALÁ NAGBÒ BÍBVÍ:

• Mókà lé dì deè sĩ́ ní e ńkem̀ nvín pábiaá géè dòòmà dẽe ló é?

• Éé ní eo gé ẹbmà dẽe kọ á naaá mm̀ ãa bàlà boo ea gé dúá ẹ́?

• Mósĩ́ deè ní e gè bugi togó boo o ból dẽe sĩ́ é nveè bá nè ni kọ ó láá kpoogá dee ló nyòòmà vèènù ea é sẹẹà mm̀ November ẹ?—Lúùk 6:45