Montaxe da estrutura de aceiro para o tellado do edificio de vivendas C.

Vista do Sterling Forest Lake (Blue Lake), ó norte, tomada desde o sur da propiedade. Ata trece grúas estiveron realizando distintos traballos ó mesmo tempo. En primeiro plano, botando a cimentación do edificio de vivendas B.

Columnas e vigas de aceiro preparadas para a súa instalación. A estrutura de aceiro empregada no edificio de oficinas e servizos permite que haxa grandes espazos abertos, así como cumprir con prazos de tempo moi axustados.

Ensamblaxe das estruturas de aceiro para o tellado do edificio de vivendas C. Estas estruturas van cubertas con pranchas metálicas e unha lámina resistente á auga. Detrás, á esquerda, construción dunha das metades destas estruturas.

Empresas externas instalan vigas de aceiro na esquina suroeste deste edificio. Esta parte do edificio albergará a cociña, o comedor, a lavandaría e outros departamentos auxiliares.

Danlle un cepillo a un traballador que está instalando os sumidoiros.

Este muro de probas construíuse para decidir as cores e os acabados, e para facer prácticas de colocación de ladrillos. Ademais, tamén se utilizou para dar formación ós albaneis que ían chegando. Como se ve nesta fotografía, unha vez cumprido o seu propósito, procédese ó seu derribo.

Unha grúa coloca a estrutura de medio tellado. Nos extremos de cada edificio instalaranse tellados a dúas augas, que suavizan o efecto visual dos edificios vistos dende certa distancia.

Colocación dun tanque de gasóleo de 95.000 litros de capacidade para as caldeiras.

Vista da cara sur do edificio. Na marxe dereita da foto, vista do Blue Lake. A fin de realzar a apariencia externa destes edificios, escolléronse varias tonalidades e acabados.

Un matrimonio de fontaneiros instalando os desaugadoiros antes de que se bote o chan.

Quitando neve dun tellado.

Outra parella consultando os planos da instalación da fontanaría.

Mentres cae a neve, procédese á escavación, ó encofrado e a botar o formigón. Na esquina superior esquerda da fotografía, unha zona do edificio de oficinas e servizos recúbrese cunha lona plástica reforzada a fin de levar a cabo traballos durante o inverno que precisan dunha temperatura controlada, tales como botar o formigón e proceder ó illamento ignífugo.

Aplicación dunha barreira de vapor á parte exterior do edificio antes de proceder á instalación dos paneis de revestimento.

Vista aérea mirando cara ó oeste. Na parte superior da imaxe, os edificios de vivendas. O gran edificio branco que se ve no centro é o edificio de oficinas e servizos. O complexo de edificios ocupará menos de vinte das aproxidamente cen hectáreas da superficie total do terreo, deixando o bosque veciño inalterado.

Vista aérea mirando cara ó leste. Na parte inferior da imaxe, edificios de vivendas C e D. Traballadores de empresas externas colocando paneis metálicos para rematar a instalación do tellado a dúas augas.

Un carpinteiro colocando solo laminado nunha habitación modelo. En cada unha das habitacións dos edificios de vivendas instalarase un dos catro acabados escollidos. Cada acabado inclúe a cor da pintura, a moqueta, o solo laminado, os azulexos, e demais superficies.

Rematando de botar o chan a man; deste xeito conséguese darlle a inclinación adecuada para a súa drenaxe.

Un técnico de 77 anos de idade instala cable multifío de fibra óptica. Cando o proxecto remate, haberá 32 km deste cable percorrendo as instalacións.