AUSTRALIA: “Bible-acher adarit xikounnek lagon duent Jehovache Sakxi rogot aplea kuddint ghenant. Tori astana he lok, her duent lokam poros begin bore zata.” Oxi mahiti The Sydney Morning Herald hea Otumbr 2, 2012-chea khobra potrant ailoli.

Hea reportant Sydney Medical Iskolacho Professor James Isbister kitem mhunntta tea vixim boroilam. To mhunntta, “Operasaum kortana Jehovachea Sakxeanchem chodd rogot ibadd zaina zaunk, dotor zata title bore upai kortat. Jea lokank operasaum-am vellar rogot ghatlolem, tea lokam poros chodd, he sakxi salvar zaunk pavtat. Toxench, tankam chodd dis hospittolant ani ICU-ant ravchem poddona.”

Oxem fokot Dotor Isbister ekttoch mhunnona. Kallzachem operasaum kelolea Sakxeam vixim Agost 13-27, 2012-antlo, Archives of Internal Medicine sangta, “Je lok operasaum-am vellar rogot ghetat, tanchea poros Sakxeank unneo addkolleo ietat ani tim begin borim zatat.”