Jezuchea Mornnacho Ugddas Dis
Sonvar, Abril 12, 2025
Jezun sanglolem toxem Jehovache Sakxi dor vorsa ek pavtti Jezuchea mornnacho dis ugddas kortat. Jezun mhunnttlolem: “Mhozo ugddas korun oxench korit ravat.”—Lukas 22:19.
Hea kariavollik hajir zaunk ami tumkam ieukar ditat.
Zaite Pavtt Vicharlole Prosn
Hi kariavoll kitlo vell poriant astoli?
Sumar ek vor.
Hi kariavoll khoim astoli?
Hem zannam zaunk Jehovachim Sakxi tumkam modot kortolim.
Thoim hajir zaunk poixe diunk zai kai?
Na.
Thoim konnui amchea lagim poixe magtolim kai?
Na.
Umkench nheson ieunk zai kai?
Hea kariavollik umkench nhesonk zai oxem na. Punn Jehovachim Sakxi Bible-antlea totvam adarit, moriadin ani man haddtta tea toren nhestat. (1 Timotak 2:9) Tumchem nhesop chodd mharog asonk zai vo khas torechem asonk zai oxem na.
Jezuchea Mornnachea Ugddas Disak kitem zatolem?
Hea mittingechea survatek ani xevottak git astolem ani Jehovacho ek Sakxi magnnem kortolo. Hea kariavollicho mukhel bhag mhunnttlear, ek bhaxonn. Jezuchem moronn amkam kitlem mhotvachem, toxench Devan ani Jezun amchea pasot jem kitem kelam tantuntlean amkam koso faido mellonk xokta tem hea bhaxonnant zannam zaunk mellttolem.
Anik zannam zaunk “Why Do Jehovah’s Witnesses Observe the Lord’s Supper Differently From the Way Other Religions Do?” ho lekh polloiat.
Fuddlea vorsamnim Jezuchea Mornnacho Ugddas Dis kednam astolo?
2025: Sonvar, Abril 12
2026: Brestar, Abril 2
Tumkam Hem-ui Avoddttolem
UGDDASACHO DIS
Jezuchea Mornnacho Ugddas
Hea khas somarombak amchea sangata mellon ieunk ami tumkam amontronn ditat. Jezuchem jivit ani tachea mornna udexim tumkam kitem melltta tem zannam zaiat.
ESSENTIAL BIBLE TEACHINGS
Jezu Kiteak Melo?
Jezuchea mornnak Bible khub mhotv dita. To moronk kitem karonn aslem?