Bible videarthi noitik ritin nitoll astat tednam tim Jehova sangata ek laginchim ixttagot zoddunk pavtat. (1Ped. 1:14-16) Tea bhair, tankam anik-ui faide zatat. Zoxem tanchi bholaiki bori uronk xokta, tanchi famil khuxal uronk xokta ani tanche poixe pasun ibadd zaunchem nant.

Tor tumchea Bible videartheank tancheo vaitt sonvoim-o soddunk tumi koxi modot korunk zata? Jehovache noitik dorje kitem, te tannim kiteak pallunk zai, ani te pallʼllolean tankam koso faido zatolo tem tankam spoxtt toren somzaiat. Tanchem chukichem chintop pois korunk tankam modot korat. Hea toren tim xiktat tem tim apnnaunk pavtolim. (Ef. 4:22-24) Tankam asloli vaitt sonvoim, Jehovache modotin tim soddunk xoktat mhunn tankam khatri diat. (Filp. 4:13) Toxench, tankam vaitt korchi tallnni ieta tednam magnneant Jehovachi modot magonk tankam xikoiat. Tea bhair, tim tallnnent poddonk xoktat tosleo poristhiti vollkhun teo pois korunk tankam modot korat. Ani vaitt sonvoim-a bodlek, tankam faideak poddttoleo tosleo boreo vostu korunk urba diat. Hea toren, amche Bible videarthi Jehovachi modot gheun apleo vaitt sonvoim-o pois kortat tednam ami khub khuxal zatolim.

TUMCHEA BIBLE VIDEARTHEANK VAITT SONVOIM-O SODDUNK MODOT KORAT, HO VIDEO POLLOIAT ANI UPRANT HEA PROSNANCHE ZOBAB DIAT:

• Vhoddilank ani Neeta-k Daisy-cher khatri asli mhunn tannim koxem dakhoilem?

• Daisy-k tachi vaitt sonvoim soddunk Neeta-n koxi modot keli?

• Apli vaitt sonvoim soddunk Daisy-n Jehovachi modot koxi ghetli?