AMCHEM KRISTI JIVIT
Sasnak Khuxalkaien Jieiat! Pustokant Anik Kitem Asa Tem Zannam Zaiat
Sasnak Khuxalkaien Jieiat! pustokant aslole video ani chintunk laitat tosle prosn uzar korunk tumkam borem dista kai? Toxench, tantunt aslole “Thoddo Lok Mhunntta,” “Tumi Kitem Korunk Zata,” ani “Anik Sodhat” he bhag uzar korunk tumkam avoddtta kai? Tor hache bhair, Bible obheas ghetana tumkam hea pustokant aslolea anik kitea thaun modot zaunk xokta?—Mt. 28:19, 20.
Media: Tumi Sasnak Khuxalkaien Jieiat! pustokachi chhaploli kopi uzar kortat zalear tantunt aslole sogle video ani her media tumkam ekuch zagear koxe mellonk xoktat? Oxem korunk tumi hea pustokachi electronic kopi ugddunk zata. Ani tea pustokant aslolea charui bhagantlea khoinchea-i ek bhagacher tumi klik korunk zata. Uprant, tea bhagant odheai-anchim nanvam dileant tea list-a sokol, tumi ‘Media’ hacher klik korunk zata. Hantunt tumkam tea bhagant asloli sogli media mellttoli. (Chitr 1 polloiat.)
“Printed Edition”: Tumi Bible obheas gheunk pustokachi electronic kopi uzar kortat zalear, obheasa vellar tantunt aslolem “Printed Edition” hache thaun tumkam modot zaunk xokta. Tumi odheai-ant asat tednam voir uzvea vatten aslolea tin dot-ancher klik korunk zata ani uprant, “Printed Edition” hacher klik korunk zata. Hem uzar kelolean tumi uloitat to vixoi, tea akʼkhea odheai-ak koso zuddlolo asa tem ugddas dovrunk tumkam modot zaunk xokta. Porot “Digital Edition” hantunt vochonk, tumi portun voir uzvea vatten aslolea tin dot-ancher klik korunk zata ani uprant “Digital Edition” hacher klik korunk zata.
“Hanv Toiar Asa Kai?”: Ho bhag tumkam pustokachea chovtea bhagachea xevottak mellttolo. Hantunt aslolea boksamnim Bible vidʼdheartheamnim sobhe sangata porgottnni korunk ani bautizm gheunk purtim zaunk kitem korop gorjechem tem sanglolem asa. (Chitr 2 polloiat.)
Chodd Mahiti: Ho bhag pasun tumkam pustokachea chovtea bhagachea xevottak mellttolo. Hantunt umkeach mhotvachea vixoi-am vixim anik somzonni dilʼli asa. Pustokache electronic kopint, dor ek ‘chodd mahiti’ hachea xevottak, ek link dilʼlem asa. Tea link-acher tumi klik kelear, tem tumkam porot tumi odheai-ant khoim pavlolim thoim vhortolem. (Chitr 2 polloiat.)
Tumchea Bible vidʼdhearthean Sasnak Khuxalkaien Jieiat! hea akʼkhea pustokacho obheas sompchea poilinch bautizm ghetlo zalear kitem? Tannem bautizm ghetlea uprant pasun tachea sangata hea akʼkhea pustokacho obheas korun sompoiat. Tednam pasun, tumi tumchea sevechea riporttant, to obheas, tumi kortat teo porot bhetto ani Bible obheas korunk tumi sartat to vell ghalunk zata. Toxench, tumchea sangata obheasak ieta tea porgottnnaran pasun aplea riporttant to vell ghalunk zata
