Solomonan khottea devanchi bhokti kortat tea bailam lagim kazar zaun pixeponn kelem (1Raz. 11:1, 2; w18.07-E 18 ¶7)

Solomonachea bailamnim sovkas-sovkas korun taka Jehova Deva koddlean pois vhelo (1Raz. 11:3-6; w19.01-E 15 ¶6)

Jehova Solomonacher khub ragar zalo (1Raz. 11:9, 10; w18.07-E 19 ¶9)

Devachem Utor ankvar Kristanvank, fokot ‘Somiacher bhavarth asloleam’ sangata kazar zaunk sangta. (1Kor. 7:39) Punn eka Kristanvan bautizm ghetla dekhunuch to boro kazari sangati zatolo oxem nhoi. Tea pasot kazar zaunchea poilim hea prosnam vixim chintat: ‘Ho bhav vo bhoinn mhaka purnn kallzan Jehovachi seva korunk modot kortolo vo kortoli kai? Atam porian, apunn Jehovacho khub mog korta mhunn tannem koxem dakhoilam?’ Tor kazar zaunchea poilim, tumi kazar zaunk sodhtat tea munxak bore toren vollkhon gheunk vell kaddat.