Odheai 10

Dev Dusvas Corta Tim Cortubam

Dev vaxtt munta tea vostum vixant tuka coxem disunk zai? (1)

Khuinchea jinsanchi loingik cholavnnuk chukichi? (2)

Êka Kristãvan coxemporim dixttint dovorchem khotem ulovop? (3) zugar khellop? (3) chori corop? (3) moddfodd? (4) ghaddiponn? (5) bebdeponn? (6)

Êk oshami vaxtt cortubam thaun coxeporim sutavo zavunk sokta? (7)

1. Kitem borem poi tacho Devache chakor mog cortat. Punn kitem vaxtt poi tacho dusvas corunk passun tannim xinconk zai. (Stotram 97:10) Tem munche Dev dusvas corta toslim thodim cortubam. Coslim cai tim thodim cortubam?

2. Produvarponn: Cazara addim sambhog, produvar, monzat sambhog, diaz sambhog ani samalingi sambhog zaun asat mhapatkam Deva virodhak. (Levi Xastr 18:6; Romkarank 1:26, 27; 1 Korintkarank 6:9, 10) Zor tor êk zodpem cazar zaunk nam punn ektaim sangatak jienta, tannim doxim zaunk zai vo dusrem mutlear caidexir cazar zaunk zai.—Hebrevank 13:4.

3. Fotti, Zugar, Chori: Jehovah Dev fotti marunk xacnam. (Titak 1:2) Zea oshameank tannem posond kelolo zai, tannim fotti marpachem advarunk zai. (Mhonnʼnneo 6:16-19; Koloskarank 3:9, 10) Dor êk jinsancho zugar apsuvarthan khotavlolo asa. Tea passot Kristão cosleach jinsanchea zugarant zoxe qui sodthi, ghodde dhavotint ani cadtham  chenduvancho zugar hantunt vantto ghenant. (Efezkarank 5:3-5) Ani Kristão chorinant. Te zanam zaun choriechi aspot kharidnant vo porvange bogor vostu ghenant.—Suttka 20:15; Efezkarank 4:28.

4. Raga monnim, Moddfodd: Tabeant nam to rag moddfoddik choloita. (Utpoti 4:5-8) Êk zulmi oshami Devacho ixtt zaunk xacnam. (Stotram 11:5; Mhonnʼnneo 22:24, 25) Vingas gheunchem chuk, vo dusreanim vaxtt vostu amcam keleat taka lagon porthun vaitt corchem chuk.—Mhonnʼnneo 24:29; Romkarank 12:17-21.

5. Jadu montr ani Ghaddiponn: Thodo lok duensam borim corunk duratmeam thaun socot magtat. Tanchea dusmanank duent corche vo jivenxim marche munnon thode tancher montr martat. Hea soglea cortubam fatlean Soitanachi socot asa. Tea passot Kristãvanim tantlea ekant passun vantto gheunchem nhoi. (Dusri Somurt 18:9-13) Jehovachea lagim ravop munche dusreanim amcher marlolea montram thaun êkdom bori raconn.—Mhonnʼnneo 18:10.

6. Bebdeponn: Thodoso soro, beer, vo dusrem alkol pionnem chuk nhoi. (Stotram 104:15; 1 Timotak 5:23) Punn bhorpur pieop ani bebdeponn Devachea nodrent chuk. (1 Korintkarank 5:11-13; 1 Timotak 3:8) Chod pieop tuji bholaiki nas corunk ani tujem kuttumbh pinzunk sokta. Anikui tem tumcam êkdom vegim dusrea tallnneam bhitor lottunk sokta.—Mhonnʼnneo 23:20, 21, 29-35.

7. Devan vaxtt mutloleo vostu ze oshami adartat te “Devachea Raz jodunk pavchinnant.” (Galasiekarank 5:19-21) Zor tor khorianinch tumi Devacho mog cortat ani taka khux corunk sodtat, tor tumi hea cortubam thaun suttavem zaunk soktat. (1 Juanv 5:3) Devan kitem vaxtt mutlam tacho dusvas corunk xinkat. (Romkarank 12:9) Devosponnancheo sonvoiyeo aslelea munxam lagim vostav corat. (Mhonnʼnneo 13:20) Zoon Kristão sangathi mozotichi zôr coxi xabit zata. (Jacob 5:14) Soglea poros chod, magnnea udexim Devachea mozoticher vhondon rav.—Felipkarank 4:6, 7, 13.

[Pan 20, 21-acher chitr polloiat]

Bebdeponn, chori, zugar, ani moddfoddichim cortubam Dev dusvas corta