Odheai 4

Devchar Conn?

Soitan Devchar—khuinchean ailo? (1, 2)

Soitan lokank coso nadta? (3-7)

Kiteak lagon tuvem Devcharank portikar corcho? (7)

1. “Devchar” hea sôbdacho orth êklo conn dusrea munxa vixant vikall fotti sangta. “Soitan” munche êk dusman vo êk virodhi. Heo paribhaxo Devachea mukhel dusmanank dileat. Poilem, to sorgar Devaxim êk paripurnn ainj aslolo. Torui astanam, uprant tannem apnnam vixim chodxem chintlem ani ji bhokti sarki devak favo ti taka zai zali.—Matev 4:8-10.

2. Ho ainj Soitan, Evexim uloilo sorpenti udexim. Tika fotti marun, tannem tika Devak avidhey kelem. Heaporim Soitanan Devachem “Sorvpodvedarponn” vo soglea poros hod podvi hacher attak kelo. Soitanan proxnn kelo qui Dev favo teaporim ani tachea porjechea soglea boreaponnank lagon raz cholloita cai munnon. Soitanan soval ubarlo qui connui munis Devak nixtavont ravot cai munnon. Oxem corun, Soitanan apnnank Devacho dusman kelo. Teach passot taka Soitan Devchar munnonk lagle.—Utpoti 3:1-5; Job 1:8-11; Prokasnni 12:9.

3. Lokank fosoun aplea bhoktent hadunk Soitan proyotn corta. (2 Korintkarank 11:3, 14) Lokank fottoupachi tachi êk rit asa khotea dhorman thaun. Zor êk dhorm Deva vixim fotti xincoita, to khoroch Soitanacho udhex chakorta. (Juanv 8:44) Khottea dhormache ze lok protinidhi asat te ghodie promannik ponnan mandit qui te khorea Devak bhoztat munnon. Punn te khoreponnim Soitanank bhoztat. To ‘hea sounsaracho dev’ asa.—2 Korintkarank 4:4, NW.

4. Ghadiponn asa anink êk rit Soitan lokank tachea odhikara khala hadta. Te duratmeank tanchi raconn korunk, dusreank iza corunk, bhovix sangonk, vo vismitam corunk apoitat. Hea soglea cortubam fatlean vikall sokot Soitan asa. Devak khoxi corunk ami ghadiponnam thaim cainch corunk nozo.—Dusri Somurt 18:10-12; Dhormodutancho Itihas 19:18, 19.

5. Vounxavollicho obhiman ani rajakiy sounsthanchi bhokti hantum thaun Soitan lokank fottoita. Tanchem raxtr vo vounx dusream poros boro munn thoddiank  dista. Punn tem khorem nhoi. (Dhormodutancho Itihas 10:34, 35) Dusro lok munxancheo somoxa soddounchea babtint rajakiy sounstham coden choitat. Oxem corun, te Devachi Rajvotki dhikkartat. Ti ekuch amchea somoxanchi poryar zaun asa.—Daniel 2:44.

6. Anik êk ritin Soitan munxank fottoita Patki axechea tallnnent ghalun. Jehovah amcam patki cortubam advarunk sangta, kiteak to zanna tim amcam ducoitolim munnon. (Galasiekarank 6:7, 8) Thoddea lokank tumi oslea cortubant mellon ailolem zai. Tori ugdas dhorat, khoreaninch Soitanank tumi heo vostu keloleo zai.—1 Korintkarank 6:9, 10; 15:33.

7. Tumi Jehovak soddche pasot Soitan ghodie kendnnim vo virodh upeg corit. Tumi Biblia xinktat dekun tumchim thodim mogachim bharim ragist zatit. Dusre ghodie tumchim fokannam corit. Punn tumcho jiu tumi connank rinn asat? Tumchem Jehovah vixant xicop bondh corchem munnon Soitanank tumcam bhekdaunk zaem. Tumi Soitanank zoit vorunk dinakant! (Matev 10:34-39; 1 Pedru 5:8, 9) Soitanank portikar corun, tumi Jehovak khux corunk soktat ani teavorvim qui tumi tachem Sorvpodvedar ponn ubartat.—Mhonnʼnneo 27:11.

[Pan 9-acher chitr polloiat]

Khoto dhorm, ghadiponn, ani rashtriy bhavonam lokank nadtat

[Pan 9-acher chitr polloiat]

Jehovah vixant xicop challu dourun Soitanank portikar carat