Bibleachi Porikxea Kiteak Korchi?
Bibleant kitem asa tem tum zannoi? Itihasant, Bible-a itlem khoimchench pustok chhapunk na. Sogllea sanskrutichea lokanchea sodanchea jivitant tache sondhex buzvonneche, bhorvanxeache ani budh upeogachi zavun asa. Torui astana, aiz zaiteank Bibleachi chodd mahiti na. Tum dhormik asum vo nasum, ghoddiek tumkam tantlem zanna zavunk khoxi asteli. Hi pustika tumkam Bibleachi thoddi mukhel sozmonni diunk toear kelea.
TUMI BIBLE vach’che poilem, Bibleantlim thoddim sotam zanna zalear borem. Bibleak Povitr Pustok mhonnttat, hem 66 pustokam mellun ektthaim kelam. Hachi survat Utpoti ani sompadnni Prokasovnni pustokan zata.
Bible ghoddnar konn? Ho ek ojeapancho proxn. Sot tem hem, him vachanam sumar 40 monxanim, odmas 1,600 vorsam bhitor boroil’lim. Sangchem mhollear, te monxanim Bible apnnem ghoddun haddla oxem kednanch mhunnonk na. Eklea borovpean “Sogllem Povitr Pustok Devachea preronnan boroilam” mhonn boroilem. (II Timotak 3:16) Ani eklea boroinaran mhunnttlem: “Sorvesporacho [Jehovah] Atmo mhoje udexim uloita, Tacho sobd mhoje jiber asa.” (II Samuel 23:2) Vixvacho Xrextt Raza Jehovah Dev, Bibleacho ghoddnar oxem boroinaranim mhunnttlem. Boroinar kolloitat ki Dev monxank lagim soronk sodta.
Bibleachi sozmonni mellonk anink ek vost gorjechi asa. Sogllea Povitr Pustokant ek vixoi asa ki monxakullacher raz choloupak fokot Devakuch odhikar asa, hem sorginchea Razvottke udexim To siddh kortolo. Fuddlea panacher, Utpoti te Prokasovnni hea Bibleachea sogllea bhagancher hoch vixoi tumkam melltolo.
Hem sogllem monant dovrun, sonvsarantlem nanvadik pustok, Bible kitem sondhex dita tem porikxea korumia.
^ per. 9 Tarik dakoupak zaiteo riteo asat. Hea pustikent B.C.E. mhunnttlear “Kristi Xoka adim” ani C.E. mhunnttlear “Kristi Xok.” Kallachi dhanvott panachea xevottak dakoil’lo asa.
Tumkam Hem-ui Avoddttolem
AMCHEA VIXIM
Bible Kiteak Xikonk Zai?
Sonvsarbhor lok Jehovache Sakxeank, tanchea funkott Bible xikoupachea kariavollik lagon vollkhota. Hi manddavoll koxi cholta ti polloiat.
