આપણે બધા ખુશ રહેવા ચાહીએ છીએ. પણ ચિંતા હોય કે ઘર કઈ રીતે ચલાવીશું, કુટુંબની સંભાળ કઈ રીતે રાખીશું. દુઃખ-તકલીફો, મરણ અને ભવિષ્ય વિશે પણ મનમાં અનેક સવાલો હોય અને જવાબો મળતા ન હોય. પણ નિરાશ ન થાઓ. ઈશ્વરે એ સવાલોના જવાબ એક પુસ્તકમાં આપ્યા છે. એ છે, બાઇબલ. a એમાં જણાવ્યું છે કે આપણે ચિંતાઓમાં પણ કઈ રીતે ખુશ રહી શકીએ. એમાંથી તમને પણ તમારા સવાલોના જવાબ મળશે.

૧. ઈશ્વરે બાઇબલમાં કેવા સવાલોના જવાબ આપ્યા છે?

બાઇબલમાં આ મહત્ત્વના સવાલોના જવાબ આપ્યા છે: ઈશ્વરે માણસને કેમ બનાવ્યો? સારા લોકો પર કેમ દુઃખો આવે છે? મરણ પછી શું થાય છે? જો બધા શાંતિ ચાહતા હોય, તો પછી આટલાં યુદ્ધો કેમ થાય છે? શું આ દુનિયાનો વિનાશ થઈ જશે? લાખો લોકોને એના જવાબ જાણીને મનની શાંતિ અને સાચી ખુશી મળી છે. ઈશ્વર ચાહે છે કે તમે પણ બાઇબલમાંથી જવાબ મેળવો.

૨. બાઇબલની સલાહથી કેવી મદદ મળે છે?

બાઇબલમાં રોજબરોજના જીવન માટે સરસ સલાહ છે. જેમ કે, કુટુંબમાં પ્રેમ વધારવા શું કરવું, ચિંતાઓ ઓછી કરવા શું કરવું અને નોકરી-ધંધા વિશે કોઈ તકલીફ હોય તો શું કરવું. આપણે સાથે મળીને આવા વિષયો પર આ ચોપડીમાંથી શીખીશું. પછી તમે પોતે જોઈ શકશો કે, બાઇબલમાં ‘જે કંઈ લખાયું છે એ ઉપયોગી છે.’—૨ તિમોથી ૩:૧૬.

૪. બાઇબલમાં આપણા સવાલોના જવાબ છે

 ૫. બાઇબલ વાંચીને તો જુઓ, તમને બહુ ગમશે

૬. બાઇબલની વાતો સમજવા બીજાઓ તમને મદદ કરી શકે

ઘણા લોકો બાઇબલ વાંચે તો છે, પણ બધું સમજી શકતા નથી. તેઓ બીજાઓની મદદથી બાઇબલની વાતો સારી રીતે સમજી શક્યા છે. પ્રેરિતોનાં કાર્યો ૮:૨૬-૩૧ વાંચો. પછી આ સવાલની ચર્ચા કરો:

• બાઇબલ સમજવા તમે શું કરી શકો?—કલમ ૩૦ અને ૩૧ જુઓ.

 આપણે શીખી ગયા

બાઇબલમાં જણાવ્યું છે કે આપણે કઈ રીતે ચિંતાઓમાં પણ ખુશ રહી શકીએ. એમાં મહત્ત્વના સવાલોના જવાબ છે. એનાથી આપણને આશા અને દિલાસો મળે છે.

તમે શું કહેશો?

• બાઇબલની સલાહથી કેવી મદદ મળે છે?

• બાઇબલમાં કયા સવાલોના જવાબ છે?

• તમારે બાઇબલમાંથી શું જાણવું છે?