લેવીય ૭:૧-૩૮
૭ “‘દોષ-અર્પણનો નિયમ આ છે:+ એ દોષ-અર્પણ ખૂબ પવિત્ર છે.
૨ જ્યાં અગ્નિ-અર્પણનું પ્રાણી કાપવામાં આવે છે, ત્યાં જ દોષ-અર્પણનું પ્રાણી કાપવું. પછી એનું લોહી+ વેદીની ચારે બાજુ છાંટવું.+
૩ પ્રાણીના આ ભાગો યાજક ચઢાવે: ચરબીથી+ ભરેલી પૂંછડી, આંતરડાં પરની ચરબી,
૪ કમર પાસેનાં બે મૂત્રપિંડ અને એની ઉપરની ચરબી. બંને મૂત્રપિંડ સાથે કલેજા ઉપરની ચરબી પણ કાઢે.+
૫ પછી યાજક એને વેદી પર આગમાં ચઢાવે. એ યહોવા માટે આગમાં ચઢાવવાનું અર્પણ છે.+ એ દોષ-અર્પણ છે.
૬ ફક્ત યાજકો જ એ ખાય.+ એને પવિત્ર જગ્યાએ ખાવું. એ ખૂબ પવિત્ર છે.+
૭ પાપ-અર્પણ અને દોષ-અર્પણ માટે એક જ નિયમ છે. જે યાજક પ્રાયશ્ચિત્ત માટે પ્રાણી ચઢાવે, તેને જ એનું માંસ મળે.+
૮ “‘યાજક જ્યારે કોઈ માણસ માટે અગ્નિ-અર્પણ ચઢાવે, ત્યારે અગ્નિ-અર્પણનું ચામડું+ એ યાજકને મળે.
૯ “‘ભઠ્ઠીમાં પકવેલું અથવા કઢાઈમાં તળેલું અથવા તવા પર શેકેલું દરેક અનાજ-અર્પણ+ જે યાજક ચઢાવે એને મળે. એ તેનું થાય.+
૧૦ પણ સૂકું+ અથવા તેલ નાખેલું દરેક અનાજ-અર્પણ+ હારુનના બધા દીકરાઓનું થાય. દરેકને એકસરખો ભાગ મળે.
૧૧ “‘હવે યહોવાને ચઢાવવામાં આવતા શાંતિ-અર્પણનો નિયમ આ છે:+
૧૨ જો કોઈ માણસ ઈશ્વરનો આભાર માનવા શાંતિ-અર્પણ ચઢાવે, તો તે આભાર-અર્પણના*+ પ્રાણી સાથે આ બધું ચઢાવે: તેલ નાખીને બનાવેલી બેખમીર રોટલી,* તેલ ચોપડેલા બેખમીર પાપડ અને તેલ નાખીને બનાવેલી મેંદાની રોટલી.*
૧૩ તે આભાર-અર્પણ તરીકે ચઢાવેલા શાંતિ-અર્પણ સાથે ખમીરવાળી રોટલી* પણ લાવે.
૧૪ અર્પણ કરેલી દરેક પ્રકારની રોટલીમાંથી એક એક રોટલી તે યહોવાને પવિત્ર હિસ્સા તરીકે આપે. જે યાજક એ શાંતિ-અર્પણનું લોહી છાંટે, એને એ ભાગ મળે.+
૧૫ આભાર-અર્પણ તરીકે ચઢાવેલા શાંતિ-અર્પણનું માંસ તે એ જ દિવસે ખાય. એને સવાર સુધી રાખી ન મૂકે.+
૧૬ “‘જો તે માનતા-અર્પણ*+ અથવા સ્વેચ્છા-અર્પણ*+ ચઢાવે, તો તે એ દિવસે એને ખાય. એમાંનું બાકી રહેલું તે બીજા દિવસે પણ ખાઈ શકે.
૧૭ જો માંસ ત્રીજા દિવસ સુધી રહે, તો એને આગમાં બાળી નાખવું.+
૧૮ પણ જો શાંતિ-અર્પણનું માંસ ત્રીજા દિવસે ખાવામાં આવે, તો એ અર્પણ ચઢાવનારને ઈશ્વરની મંજૂરી મળશે નહિ. એ અર્પણથી તેને કોઈ લાભ થશે નહિ. એ માંસ અશુદ્ધ* ગણાશે અને જે માણસ* એમાંથી ખાશે, તેણે એના અપરાધની સજા ભોગવવી પડશે.+
૧૯ જો માંસ કોઈ અશુદ્ધ વસ્તુને અડકે, તો એ માંસ ખાવું નહિ. એને આગમાં બાળી નાખવું. જે માણસ શુદ્ધ છે, તે શુદ્ધ માંસ ખાય.
૨૦ “‘જો કોઈ માણસ અશુદ્ધ હોવા છતાં, યહોવાને ચઢાવેલા શાંતિ-અર્પણનું માંસ ખાય, તો તેને મારી નાખો.*+
૨૧ જો કોઈ માણસ અશુદ્ધ વ્યક્તિને,+ અશુદ્ધ પ્રાણીને+ અથવા અશુદ્ધ અને ધિક્કારને લાયક વસ્તુને+ અડકે અને પછી યહોવાને ચઢાવેલા શાંતિ-અર્પણનું માંસ ખાય, તો તેને મારી નાખો.’”
૨૨ યહોવાએ મૂસાને આગળ જણાવ્યું:
૨૩ “ઇઝરાયેલીઓને કહે કે, ‘આખલા, નર ઘેટા અથવા બકરીની ચરબી તમે ન ખાઓ.+
૨૪ મરેલા પ્રાણીની ચરબી અને બીજા જાનવરે મારી નાખેલા પ્રાણીની ચરબી તમે બીજા કોઈ કામ માટે વાપરી શકો, પણ તમે એ ચરબી ન ખાઓ.+
૨૫ યહોવા માટે આગમાં ચઢાવવાના પ્રાણીની ચરબી જે કોઈ માણસ ખાય, તેને મારી નાખો.
૨૬ “‘ભલે તમે ગમે ત્યાં રહેતા હો, જરા પણ લોહી ન ખાઓ,+ પછી એ લોહી પક્ષીનું હોય કે પ્રાણીનું.
૨૭ જો કોઈ લોહી ખાય, તો તેને મારી નાખો.’”+
૨૮ યહોવાએ મૂસાને આગળ કહ્યું:
૨૯ “ઇઝરાયેલીઓને કહે કે, ‘જે કોઈ યહોવાને શાંતિ-અર્પણ ચઢાવે, તે પોતાના શાંતિ-અર્પણમાંથી અમુક હિસ્સો યહોવાને આપે.+
૩૦ તે પ્રાણીની ચરબી+ અને છાતીનો ભાગ પોતાના હાથમાં લે અને યહોવાને આગમાં ચઢાવવાના અર્પણ તરીકે આપે. તે એને હલાવવાના અર્પણ* તરીકે યહોવા સામે આગળ-પાછળ હલાવે.+
૩૧ યાજક એ ચરબીને વેદી પર આગમાં ચઢાવે.+ પણ પ્રાણીની છાતીનો ભાગ હારુન અને તેના દીકરાઓનો થાય.+
૩૨ “‘તમે શાંતિ-અર્પણમાં ચઢાવેલા પ્રાણીનો જમણો પગ યાજકને પવિત્ર હિસ્સા તરીકે આપો.+
૩૩ હારુનનો જે દીકરો શાંતિ-અર્પણનું લોહી અને ચરબી ચઢાવે, તેને એ જમણો પગ હિસ્સા તરીકે મળે.+
૩૪ ઇઝરાયેલીઓએ ચઢાવેલા હલાવવાના અર્પણમાંથી છાતીનો ભાગ અને શાંતિ-અર્પણમાંથી પવિત્ર હિસ્સો, એટલે કે પગનો ભાગ હું યાજક હારુન અને તેના દીકરાઓને આપું છું. ઇઝરાયેલીઓ માટે એ નિયમ હંમેશ માટે છે.+
૩૫ “‘યહોવા માટે આગમાં ચઢાવવાના અર્પણમાંથી યાજકો, એટલે કે હારુન અને તેના દીકરાઓ માટે એ હિસ્સો અલગ કરવામાં આવે. જે દિવસે તેઓને યહોવા આગળ યાજક તરીકે સેવા આપવા નિયુક્ત કર્યા હતા, એ દિવસે એ આજ્ઞા આપવામાં આવી હતી.+
૩૬ જે દિવસે તેઓને નિયુક્ત કર્યા હતા,+ એ દિવસે યહોવાએ આજ્ઞા આપી હતી કે ઇઝરાયેલીઓ એ હિસ્સો તેઓને આપે. એ નિયમ પેઢી દર પેઢી હંમેશ માટે છે.’”
૩૭ એ નિયમો અગ્નિ-અર્પણ,+ અનાજ-અર્પણ,+ પાપ-અર્પણ,+ દોષ-અર્પણ,+ શાંતિ-અર્પણ+ અને યાજકોને નિયુક્ત કરવાની વિધિ+ માટે છે.
૩૮ સિનાઈના વેરાન પ્રદેશમાં યહોવાએ ઇઝરાયેલીઓને અર્પણો ચઢાવવાની આજ્ઞા આપી હતી,+ એ દિવસે યહોવાએ સિનાઈ પર્વત પર મૂસાને એ નિયમો આપ્યા હતા.+
ફૂટનોટ
^ એ રોટલી ગોળ હતી અને વચ્ચે કાણું હતું.
^ એ રોટલી ગોળ હતી અને વચ્ચે કાણું હતું.
^ એ રોટલી ગોળ હતી અને વચ્ચે કાણું હતું.
^ શબ્દસૂચિમાં “માનતા-અર્પણ” જુઓ.
^ શબ્દસૂચિમાં “નેફેશ; સાઈકી” જુઓ.
^ અથવા, “ધિક્કારપાત્ર.”
^ મૂળ, “તેના લોકોમાંથી કાપી નાખો.”
