અમુક લોકો માને છે કે ઈશ્વરનું રાજ્ય એટલે ઈશ્વરની સત્તા અને અધિકાર. બીજા અમુક માને છે કે દુનિયામાં શાંતિ અને ભાઈચારો લાવવાની માણસોની મહેનતનું એ ફળ છે.

તમારું શું માનવું છે?

શાસ્ત્ર શું કહે છે?

‘આકાશના ઈશ્વર એક રાજ્ય સ્થાપન કરશે કે જેનો નાશ કદી થશે નહિ, તે આ સઘળાં રાજ્યોને ભાંગીને ચૂરા કરશે.’ (દાનીયેલ ૨:૪૪) ઈશ્વરનું રાજ્ય એક અસલ સરકાર છે.

શાસ્ત્ર બીજું શું શીખવે છે?

• ઈશ્વરનું રાજ્ય સ્વર્ગમાંથી શાસન કરે છે.—માથ્થી ૧૦:૭; લુક ૧૦:૯.

• આ રાજ્ય દ્વારા, ઈશ્વર સ્વર્ગમાં અને પૃથ્વી પર પોતાની ઇચ્છા પૂરી કરે છે.—માથ્થી ૬:૧૦.

તમે શું કહેશો?

• કોઈ નથી જાણતું

• જલદી જ

• ક્યારેય નહિ

શાસ્ત્ર શું કહે છે?

“રાજ્યની આ ખુશખબર આખી દુનિયામાં જણાવવામાં આવશે, જેથી બધી પ્રજાઓને સાક્ષી મળે અને પછી જ અંત આવશે.” (માથ્થી ૨૪:૧૪) આખી દુનિયામાં ખુશખબરનો પ્રચાર થઈ જશે, ત્યારે ઈશ્વરનું રાજ્ય દુનિયામાંથી દુષ્ટતાનો નાશ કરશે.

શાસ્ત્ર બીજું શું શીખવે છે?

• પૃથ્વી પર કોઈ નથી જાણતું કે ઈશ્વરનું રાજ્ય ખરેખર ક્યારે આવશે.—માથ્થી ૨૪:૩૬.

• શાસ્ત્રમાંની ભવિષ્યવાણીઓ જણાવે છે કે રાજ્ય જલદી જ આવશે.—માથ્થી ૨૪:૩, ૭, ૧૨. (wp16-E No. 5)