યુવાનો પૂછે છે

યહોવાના સાક્ષીઓની સભાઓમાં કેમ જવું જોઈએ?

ચાલુ કરો

યહોવાના સાક્ષીઓની સભા અઠવાડિયામાં બે વાર થાય છે. મોટા ભાગે તેઓ ભક્તિ માટે પ્રાર્થનાઘરમાં ભેગા મળે છે. પ્રાર્થનાઘરમાં શું થાય છે? સભાઓમાં જવાથી તમને કેવી મદદ મળશે?

પ્રાર્થનાઘરમાં શું થાય છે?

પ્રાર્થનાઘરમાં બાઇબલમાંથી શીખવવામાં આવે છે. એની સલાહ જીવનમાં લાગુ પાડવાથી તમને ઘણા ફાયદા થશે. સભાઓમાં જવાથી તમને કેવી મદદ મળશે?

તમને ઈશ્વર વિશે શીખવા મળશે.
તમને જાણવા મળશે કે દુનિયામાં અમુક બનાવો કેમ બની રહ્યા છે.
તમને સારા ગુણો કેળવવા મદદ મળશે.
તમને સાચા મિત્રો મળશે.

તમારે સભાઓમાં કેમ જવું જોઈએ?

ત્યાં તમે જે શીખશો એનાથી તમને મદદ મળશે. યહોવાના સાક્ષીઓની સભાઓમાં બાઇબલમાંથી ચર્ચા કરવામાં આવે છે. એનાથી તમને બુદ્ધિમાન બનવા મદદ મળશે. (નીતિવચનો ૪:૫) એનો એવો અર્થ થાય કે બાઇબલની સલાહથી તમને સારા નિર્ણયો લેવા મદદ મળશે. ત્યાં તમને આવા મહત્ત્વના સવાલોના જવાબ મળશે:

અઠવાડિયાના અંતે થતી સભામાં આવા અમુક વિષયો પર પ્રવચન આપવામાં આવે છે:

ખરી શાંતિ અને સલામતી ક્યારે આવશે?
દુઃખ-તકલીફની દુનિયામાં કોણ સહારો આપશે?
તમારા લગ્‍નજીવનમાં એકબીજાને પ્રેમ અને આદર બતાવો

“મારી સાથે ભણતો એક છોકરો એકવાર સભામાં આવ્યો. તે અમારા કુટુંબ સાથે બેઠો અને અમે તેને અમારી ચોપડીમાંથી બતાવ્યું. તેણે પછીથી મને કહ્યું કે તેને સભામાં બધાના જવાબ બહુ ગમ્યા. તેણે એ પણ કહ્યું કે તેના ચર્ચમાં અભ્યાસ માટે આવું સાહિત્ય નથી હોતું.”—બ્રેન્ડા.

શું તમે જાણો છો? અમારી સભાઓમાં કોઈ દાન ઉઘરાવવામાં નથી આવતું. ત્યાં શીખવા તમારે પૈસા આપવા નહિ પડે.

ત્યાં બધાને મળીને તમને ઉત્તેજન મળશે. બાઇબલમાં જણાવ્યું છે કે ‘એકબીજાને ઉત્તેજન આપવા’ આપણે સભાઓમાં જવું જોઈએ. (હિબ્રૂઓ ૧૦:૨૪, ૨૫) આજે દુનિયા બહુ સ્વાર્થી થઈ ગઈ છે. પણ સભાઓમાં તમે એવા લોકોને મળશો, જેઓ ઈશ્વરને ખૂબ પ્રેમ કરે છે અને પોતાના કરતાં બીજાઓની વધારે કાળજી લે છે. એવા લોકોને મળીને તમને બહુ ખુશી મળશે.

“અમુક વાર એવું બને કે દિવસની દોડધામ પછી હું તન-મનથી થાકી જઉં છું. પણ સભામાં જઉં છું અને બધાને મળું છું ત્યારે મારો બધો થાક ઊતરી જાય છે, મને એકદમ સારું લાગે છે. સભામાંથી ઘરે પાછા જતી વખતે હું ખુશ હોઉં છું અને નવા દિવસના પડકારો સામે લડવા તૈયાર હોઉં છું.”—એલીસા.

શું તમે જાણો છો? આખી દુનિયામાં યહોવાના સાક્ષીઓનાં ૧,૨૦,૦૦૦ કરતાં વધારે મંડળો છે. તેઓ ૬૦,૦૦૦ કરતાં વધારે પ્રાર્થનાઘરોમાં ભેગા મળે છે. સભામાં આવનાર લોકોની સંખ્યા વધતી જાય છે, એટલે દર વર્ષે ૧,૫૦૦ જેટલાં પ્રાર્થનાઘર બાંધવામાં આવે છે. a

બીજા યુવાનો શું કહે છે?

“હું જ્યારે સ્કૂલમાં હતી ત્યારે મારી એક બહેનપણી મારી સાથે સભાઓમાં આવી હતી. ત્યાં બધી ઉંમરના લોકો એકબીજા સાથે મળીને બાઇબલમાંથી શીખે છે, એ તેને બહુ ગમ્યું. હાલમાં જ મારા બોસ સભામાં આવ્યા. આપણી સભાઓમાં બધું જ બાઇબલમાંથી શીખવવામાં આવે છે, એ જોઈને તેમને ખૂબ નવાઈ લાગી. એનાથી સભાઓ માટે મારી પણ કદર વધી.”—જેસિકા.

“હું સભાઓમાં જઉં છું ત્યારે મારું ટેન્શન અને મારી ચિંતાઓ ભૂલી જઉં છું. સભાઓમાં શીખવા મળે છે કે ખુશ કઈ રીતે રહેવું અને સારા ગુણો કઈ રીતે કેળવવા. સભાઓમાં એવું તો બીજું ઘણું શીખવા મળે છે. દરેક સભા પછી હું તરોતાજા થઈ જઉં છું.”—તિમોથી.

“મેં એક માણસને સભામાં આવવાનું આમંત્રણ આપ્યું હતું. તેણે પછીથી કહ્યું: ‘હું તો સભામાં એટલે આવ્યો હતો જેથી તમને ખોટા સાબિત કરી શકું. પણ મને ખ્યાલ આવ્યો કે હું જે માનું છું એ જ ખોટું છું.’ યહોવાના સાક્ષીઓ બહુ મળતાવડા છે એ પણ તેને બહુ ગમ્યું. તેણે કહ્યું: ‘હું તો તમને હમણાં જ મળ્યો, પણ તમે મારી સાથે એ રીતે વર્ત્યા જાણે મને વર્ષોથી ઓળખતા ન હો!’”—જેકબ.

“અમુક વાર હું વિચારતી, ‘સભા પૂરી થશે કે તરત જ હું ત્યાંથી નીકળી જઈશ.’ પણ સભા ચાલુ હોય ત્યારે એ વિચાર તો ક્યાંય જતો રહે. સભા પછી હું બીજાઓ સાથે વાતો કરતી હોઉં અને મને યાદ પણ ન હોય કે મેં કેમ એવું વિચાર્યું હતું. જો સભાઓ ન હોત તો મને આટલા સારા દોસ્તો મળ્યા ન હોત.”—મેડિસન.

a તમારી નજીકનું પ્રાર્થનાઘર શોધવા “યહોવાના સાક્ષીઓની સભાઓ” પાન પર જાઓ અને “તમારી નજીકની જગ્યા શોધો” પર ક્લિક કરો.

એના જેવા બીજા વિષયો

યુવાનો પૂછે છે ઈશ્વર સાથે દોસ્તી તરુણો અને યુવાનો

બીજી માહિતી જુઓ

બીજા યુવાનો શું કહે છે

https://cms-imgp.jw-cdn.org/img/p/502018117/univ/art/502018117_univ_sqr_xl.jpg

ijwyp લેખ ૭૬