Kojutushi maʼin pia nümüin Jeʼwaa (Is 43:4). Nükaalinjain maʼin pia süpüla paʼaleewajaain maʼin nümaa jee suluʼuin pia tü nupueulosekat. Sutuma paapüitpain paaʼin nümüin Jeʼwaa jee woutiisain pia, Pümaleiwaseichipa joo nia. Müsüjeseʼe naaʼinmajeechin pia soʼunnaa pümüliala otta niiʼiyateerü alin pia nüpüla nakajee na wawalayuukana (Sl 25:10).

Watüjaapa saaʼu tü saainjakat tü nupueulosekat Jeʼwaa süpüla nakaalinjain na wawalayuu müliakana aaʼin sutuma süsetüin wüin jee sukutkujaain mma, kojutusü maʼin wamüin tü naainjakat Jeʼwaa wapüleerua sutuma alin maʼin waya nüpüla.

SÜCHIKIJEE JÜNAJÜIN TÜ VIDEOKOT TÜ SAAINJAKAT COMITÉ DE COORDINADORES (2019), JUSOUTA SHIʼIPAJEE TÜÜ:

• ¿Kasa naaʼinraka na wawalayuu suluʼukana Comité de Coordinadores süpüla natüjaain saaʼu na wawalayuu aʼyataakana suluʼu tü weteetkalüirua tü naaʼinrüinjatkat sülatalaʼa sümüle wanee kasa?

• ¿Kasa saaʼinraka tü nupueulosekat Jeʼwaa süpüla nakaalinjain na wawalayuu chakana Indonesia otta Nigeria? ¿Jamüsü sukuwaʼipa natuma süpüla naküjain namüin tü naaʼinrüinjatkat?

• Sünainjee süpüshuaʼa tü saaʼinrakat tü nupueulosekat Jeʼwaa soʼunnaa tü ayuuliikat COVID-19, ¿kasa tü ponokot maʼin paaʼin?