ATÜJAINJANA WAYA EKIRAJAA
Atüjainjachi pia aküjaa pütchi: yapa putuma tü pünüikinjatkat sünain aküjaa pütchi süka tü rewiisütakalüirua
¿JAMÜSÜ CHOʼUJAAKA? Sünain karalouktakat tüü, ashajünüsü tü wanüikinjatkat sünain aküjaa pütchi. Nnojotpajaʼa ayatashaatainjatüin shia watuma. Eesü süpüla waküjüin shia süka wanüiki. Eesü süpüla naatain putuma süküjia tü pütchikat. Otta eeshi süpüla paashajaain namaa na wayuukana süchiki wanee pütchi kamalainka namüin. Süpüla paaʼinrüin tia, paashajeʼerüinjatü palajana tü rewiisütakat, paashajeʼerüinjatü tü wanüikinjatkat sünain aküjaa pütchi otta pünajüinjatü tü video sümaajatkat tü wanüikinjatkat sünain aküjaa pütchi. Süchikijee, yapa putuma tü pünüikinjatkat sünain aküjaa pütchi sümaa jülüjain paaʼin pütchikat tüü.
ANUU SUKUWAʼIPAINJATKA:
¿Püshateein süpüshi tü pütchikat: «Wanüikinjatka sünain aküjaa pütchi»?
AA
-
Yapa putuma tü pünüikinjatkat. Püsaka otta püküja jamüin püntaka eepünaa wanee wayuu. (Püma: «Yaapünaashi taya shiiʼiree...»).
-
Jülüja paaʼin jamüinjatüin pünüiki süpüla paashajeʼerüin wanee wetsiikulo otta süpüla paapüin tü rewiisütakat. (Süpüla paashajeʼerüin wanee wetsiikulo, maa pünüiki: «Jülüja paaʼin tü sümakat tü Wiwüliakat süchiki tia»).
NNOJO
-
Püneeka wanee pütchi suluʼuka tü rewiisütakat Aapiria Wayuu kamalainjeetka namüin na wayuukana.
-
Jülüja paaʼin jamüinjatüin püsakiria suulia japülin na wayuukana. (Wanee sukuwaʼipa: eesü süpüla püneeküin tü asakinnakalü anain suluʼu süpana 2).
-
Püneeka wanee wetsiikulo süpüla paashajeʼerüin.
-
Yapa putuma wanee jee shiale piamasü pütchi süpüla naashajeʼerüinjatüin chi wayuukai tü rewiisütakat.
[Epiikürape suluʼu süpanaka 8]
-
Jülüja paaʼin kasainjatüin püsakirüin anain süpüla puuyantüin wanee pukueena.
-
Süpüla pütüjaain saaʼu tü püküjüinjatkat puuyantapa püchikuaʼa, püshaja shia sünain wanee karaloukta.
