Tü poyeetokot Poonoo nümaa Maleiwa akumajuushi süpüla ekirajaa wayuu. Na kapüleekana amüin aashajeʼeraa, ekirajünüshii sünain tü shiimainkat sükajee tü ayaakuaakalüirua. Wanee ekirajaaya suluʼusü piamasü süpana, jee eʼitaanüsü ayaakuaairua anashaatasü maʼin. Kayaawasesü tü ayaakuaakalüirua süpüla sütüjaanüin aaʼu jaralüin tü wanee ekirajaanajatkalü anain.

Suluʼu Poonoo nümaa Maleiwa süpüla katüin poʼu waneepia, eesü pütchi otta tü ayaakuaairua eekat suluʼu shiaʼaya neʼe tü suluʼukat tü poyeetokot Poonoo nümaa Maleiwa. Na wayuu mapüleekana amüin aashajeʼeraa, eeshii süpüla nekirajaain süka tia poyeetokot. Eesü namaʼanale shia na wawalayuukana, jaʼitairü shiain nümaʼanain chi ekirajaashikai tü poyeetokot Poonoo nümaa Maleiwa. Eʼitaanüsü waneeirua pütchi süttaka süpüla shikirajaanüin anain anashiire shia namüin na ekirajaashiikana.

Jaʼitairü nnojoluin süküjünajatüin aka pütchi tia piamasükat poyeeto, eesü süpüla püküjüin pütchi waneepia süka. Pikirajapa tü sümakat tü Wiwüliakat, pikiraja sükajee tü ayaakuaakalüirua. Püsakira naya süpüla nasouktüinjanain otta süpüla pütüjaain saaʼu nayaawatüle saaʼu tü pütchikat. Paashajeʼera otta püküja jamaluʼuluin tü wetsiikulo ashajünakat sajaʼttiamüin wanee ekirajaaya. Kettaapa nutuma chi pikirajüinkai tia poyeetokot, pikiraja nia süka tü karalouktakat ¿Kasa shikirajaka maʼin tü Wiwüliakat? süpüla pükaaliinjain nia sünain woutiisaa.