¿JAMÜSÜ CHOʼUJAAKA? Müleka yapale nutuma tü nikirajaainjatkalü anain, makateerü tü pütchikat suluʼu nikii otta kooʼomüinjeerü maʼin tü nunoulakat. Süchikijee nuwoutisaajüin, yapainjatü nutuma tü nünüikinjatkat sünain aküjaa pütchi otta tü nusoutajatkat sünain tü outkajawaakat. Müle shia nutuma, eejeerü maʼin naaʼin sünain anoujaa (Mt 25:13). Aneerü maʼin nukuwaʼipa nikirajaale maʼin sünain tü Wiwüliakat. Wakaaliinja chi wekirajüinkai süpüla yapainjatüin nutuma tü nikirajaainjatkalü anain, waaʼinra tia woʼttaiwaʼaya sünain wekirajüin nia.

ANUU SUKUWAʼIPAINJATKA

• Anaa pukuwaʼipa nüpüleerua (Ro 2:21). Yapajaa pia süpüla pikirajüinjachin nia otta jülüja paaʼin tü nukuwaʼipakat (km 11/15 süp. 3). Piiʼiyata nümüin pejeettüin tü pükaraloʼusekat.

• Pütütüleʼera naaʼin süpüla yapainjachin nia. Kakaliaichire nia sünain ekirajawaa, püma nümüin choʼujaashaatain nümüin nikirajaainjachin nümüiwaʼa sünain tü karaloʼutakat, püküja nümüin tü kasa anasü niʼreetka sünainjee tia otta tü eekat süpüla naaʼinrüin süpüla nükatalüin kaʼi süpüla nikirajaainjachin. Eeshii wawalayuu aapaka namüin na nekirajüinkana tü nakaraloʼusekat süpüla neʼrüinjatüin mapüleein maʼin ekirajawaa süka wanee karaloʼutaka eekai sejeettünüin. Yapale nutuma tü pütchikat, «anasü maʼin tü paaʼinrakat» püma nümüin.

• Piiʼiyata jamüinjatüin sukuwaʼipa. Eeshii wawalayuu aneekaka wanee ekirajaaya süpüla neeʼiyatüin namüin na nekirajüinkana tü sukuwaʼipainjatkat natuma.