Keeʼireesü naaʼin Jehová waʼyataain nümüin süka alin nia wapüla (Mt 22:37, 38). Aire Maleiwa napüla na wekirajüinkana sünain tü Bibliakat, nanouteʼereerü nakuwaʼipa otta nalatirüin süchikumüin müliaa sümaa woutiiseenain naya (1Jn 5:3).

Pükaalinja na pikirajüinkana süpüla natüjaain saaʼu alin naya nüpüla Jehová. Eeshii süpüla püsakirüin naya sünain tüü: «¿Kasa pütüjaka nüchiki Maleiwa sükajee pütchikat tüü?» jee shiale, «¿sükajee pütchikat tüü, jamüsü piyaawataka saaʼu alin pia nüpüla Jehová?». Pükaalinja naya süpüla nayaawatüin saaʼu tü kasa naaʼinrakat Jehová napüleerua (2Cr 16:9). Püküja namüin nusoutuin Jehová shiʼipajee tü puchuntakat nümüin otta pükaalinja naya süpüla jülüjain naaʼin tü naaʼinrakat Jehová süpüla nasoutuin shiʼipajee tü nachuntakat nümüin. Talatashaateerü maʼin paaʼin piʼrapa aleewain maʼin na pikirajüinkana nümaa Jehová jee alin maʼin nia napüla.

SÜCHIKIJEE JÜNAJÜIN TÜ VIDEOKOT PÜKAALINJA NA PIKIRAJÜINKANA SÜPÜLA ALEEWAIN MAʼIN NAYA NÜMAA JEʼWAA, JUSOUTA SHIʼIPAJEE TÜÜ:

• ¿Kasa ooʼulakünaka aka saaʼin Jade?

• ¿Kasa saaʼinraka Neeta süpüla sükaalinjain shia?

• ¿Kasa saaʼinraka Jade süpüla sülatüin süchikumüin tü kasa alatakat sümüin?