«Na lotokana akuwaʼipa, nayeena kepiaka saaʼu tü mmakat süpüla kaʼika süpüshuaʼa.»

(Salmo 37:29)

«Tü mmakat, ayateeria eein shia waneepia.»

(Eclesiastés 1:4)

«Müiria nnojoluin ouktaa. Nnojoleerü aʼyalajaa naashin Jeʼwaa, chi Laülaakai saaʼu kasaka süpüshuaʼa.»

(Isaías 25:8)

«Soʼu kaʼikat tia koʼujeena na moʼupaʼasaliikana, kacheʼejeena na macheʼesaliikana. Soʼu kaʼikat tia chi masaʼasaikai chookonteechi maʼaka naaʼin wanee irama otta chi manüisaikai aʼwaateechi nia sümaa talatüin naaʼin. Süka kaʼwuireerüin wanee mma eekai anoouishiin otta amüleerüin wüin süpaʼapünaa wanee mma eekai patajatshiin.»

(Isaías 35:5, 6)

«Nülaʼateerü [Maleiwa] suʼwuira noʼu. Müiria nnojoluin ouktaa, aʼyalajaa, mojuu aaʼin otta saalii ayuulii. Süka jamüin, sülatüitpain tia kasakalüirua.»

(Revelación 21:4)

 «Shiimain nakumajeenain piichi süpüla kepiainjanain naya suluʼu; shiimain napünajeenain süpüla neküinjatüin süchon naʼttia. Nnojoleena akumajüin piichi süpüla kepiainjatüin wayuu naatajannuu suluʼu; nnojoleena apünajüin süpüla shiküinjatüin wayuu naatajannuu süchon naʼttia. Maʼaka kakaliain katüin soʼu suuʼulia wanee wunuʼu meeria nakuwaʼipa na aʼyataakana tamüin. Talateerü naaʼin sünain aʼyatawaa na wayuu taneekajalakana.»

(Isaías 65:21, 22)