Suʼttia tü shiʼipakat 6
Chapa na israelitakana suluʼu tü Mma Anasükat, naʼwaajüin Maleiwa suluʼu tü aʼwaajüleekat. Na sacerdotekana nekirajüin naya sünain tü Nünüikikat Maleiwa otta na nekiipüʼükana, naaʼinmajüin naya. Shiʼipakat tüü, shiiʼiyatüin wamüin eein süpüla mojuin nakuwaʼipa na waneinnua sutuma tü naaʼinrakat jee tü nüneekakat wanee wayuu. Waneepiainjana na israelitakana nümaa Jehová waneʼewai nakua otta anainjatü nakuwaʼipa sümaa wayuu. Aashajaasü nachiki waneinnua wayuu waneepiakana nümaa Jehová maʼaka saaʼin Noemí, Ana, tü nüchonkat Jefté, Josué otta Samuel. Jee müsia, aashajaasü nachiki waneinnua wayuu nnojoliikana israelitain maʼaka saaʼin Rahab, Rut, Jael otta na gabaonitakana. Namaashii naya na israelitakana süka neʼrüin eein Maleiwa namaa.
SÜNAIN SHI'IPAKAT TÜÜ
EKIRAJAAYA 29
Aneekünüshi Josué nutuma Jehová
Tü nuluwataakalü anain Jehová süpüla naaʼinrüin Josué, eesü anain wakuwaʼipa maaʼulu sutuma.
EKIRAJAAYA 30
Suunjuluin Rahab na ajayajüliikana
Ojuttusü süsepü Jericó. Nnojotsü ojuttuin shipia Rahab mayaainjeʼe sukumajuushin saaʼu süsepü Jericó.
EKIRAJAAYA 31
Josué otta na gabaonitakana
«Püshaʼwaleʼera chi Kaʼikai» müshi Josué nümüin Jehová. ¿Naapüinche Maleiwa nünüiki Josué?
EKIRAJAAYA 32
Jekechi shikiipüʼü Israel otta piamasü jieyuu yalayala aaʼinrü
Outapa Josué, oʼttushii naya sünain aʼwaajaa tü maleiwayaasükalüirua. Eejatü kasa mojusü sutuma tia. Akaalinjünüshii naya nutuma Barac chi nekiipüʼükai, nünüikimaajatü Maleiwa Débora otta Jael süka tü wunuʼukat.
EKIRAJAAYA 33
Rut sümaa Noemí
Aleʼejüshii Israelmüin piamasü wayuu outaka aʼwayuuse. Wanee shia Rut, oʼunusü sünain aʼyatawaa suluʼu niyüüjase wanee wayuu, shiʼraajaka Boaz chaʼayaa.
EKIRAJAAYA 34
Nükanajüin Gedeón na madianitakana
Nachuntuin na israelitakana nümüin Jehová süpüla nükaalinjain naya noulia na madianiitakana süka müliain maʼin natuma. ¿Kasa naaʼinraka Gedeón otta na 300 surulaat nümaajanakana süpüla nayamülüin na 135.000 surulaat madianiitakana?
EKIRAJAAYA 35
Achuntusü Ana nümüin Jehová kachoinjatüin shia
Niʼikajaain Elqaná Ana, Peniná otta na süchonniikana süpüla naʼwaajüin Maleiwa suluʼu tü aʼwaajüleekat chajatkat Siló. Achuntusü ana nümüin Jehová süpüla kachoinjatüin shia. Waneemüin juya süchikijee tia, jemeishi Samuel.
EKIRAJAAYA 36
Nikeraajüin Jefté nünüiki
¿Jamüsü nünüiki Jefté nümüin Jehová? ¿Jamüsü sünüiki tü nüchonkot Jefté sütüjaapa saaʼu tü nümakat Jefté nümüin Jehová?
EKIRAJAAYA 37
Aashajaashi Jehová nümaa Samuel
Na piamashiikana nüchonnii Elí. Hofní otta Finehás. Sacerdote naya suluʼu tü aʼwaajüleekat Maleiwa. Nnojoishii naya oonooin sümaa tü nuluwataakalü anain Jehová. Naata nukuwaʼipa Samuel, nuunejüin nia Jehová soʼu wanee ai.
EKIRAJAAYA 38
Katchinshi Sansón nutuma Jehová
Katchinshi maʼin Sansón nutuma Jehová süpüla nütkaainjachin namaa na filisteokana. Wanaa sümaa nüküjain sümüin Dalila tü katchinkalü atuma nia, ataʼünüshi nia natuma na filisteokana.
