EKIRAJAAYA 11
¿Naapüinche wanüiki Jeʼwaa?
Naapüin wanüiki Maleiwa woʼuraajüle nümüin (1 Pedro 3:12)
Woʼuraajüle nümüin Je’waa, naapüin wanüiki (Salmo 65:2). Keeʼireesü naaʼin waküjüin nümüin tü suluʼukat waaʼin.
Niainjachi neʼe Je’waa woʼuraajaka amüin.
Waashajaa nümaa Maleiwa süchiki wainma kasa (1 Juan 5:14, 15)
Püchunta nümüin Maleiwa süpüla saainjünüin tü keeʼireekat naaʼin saaʼu tü Mmakat maʼaka saainjünüin sirumatuʼu.
Woʼuraaja süpüla waaʼinrüin tü kasa anasükat, süpüla wousütüin sünain aʼyatawaa, wepia, washeʼin otta tü weküinjatkat. Woʼuraaja napüleerua na ayuuikana süpüla katchinjatüin naaʼin.
Puʼuraaja sükajee nünülia Jesuu. Müle shia, piiʼiyateerü kojutüin pümüin tü naaʼinrakat püpüleerua.
Eesüjaʼa kamalainjeerüle pümüin aashajeʼeraa tüü
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Naapüinche Maleiwa sünüiki süpüshuaʼa wayuu suʼuraajapa?
¿Naapeetche nünüiki wanee wayuu kapülakai aaʼin nukuwaʼipa neʼe nümüiwaʼa? ¿Naapeetche nünüiki wanee wayuu müliaka atuma saaʼin nuʼwayuuse?
