EKIRAJAAYA 8
¿Jamüshi ouktaka Jesuu?
Ouktüshi Jesuu süpüla katüin woʼu waneepia (Juan 3:16, NM)
Apünüin kaʼi süchikijee ouktüin Jesuu, anaʼlaashii waneeinnua jieyuu sümüin tü woowirakat, maluʼuka shia napüla. Asoʼiraasü naaʼin Jesuu nutuma Je’waa.
Mapa, eeʼiyataashi Jesuu namüin na nikirajüinkana.
Wanaa sümaa süsoʼiraain naaʼin Jesuu, meʼrujuichipa sümaa pülain maʼin nia nutuma Je’waa. Nuʼunapa sirumatuʼumüin, neʼrüin nia na nikirajüinkana. Müichia nia nnojoluin ouktüin.
Asoʼiraasü naaʼin Jesuu jee nuluwataaka nutuma Je’waa (Daniel 7:13, 14)
Ouktüshi Jesuu süpüla taashin wayuu suulia saainjala jee ouktaa (Mateo 20:28). Sutuma tia, eesü süpüla katüin woʼu waneepia nutuma Maleiwa.
Nüneeküin Je’waa Jesuu süpüla nuluwataain sirumatuʼujee saaʼumüin tü Mmakat. Aluwataainjachi nia namaa 144.000 wayuu, chainjanaka kepiain sirumatuʼu süsoʼiraapa naaʼin. Tia, shia tü Nuluwataayakat Maleiwa (Alateetkat Mapeena 14:1-3).
Paʼaraiiseerü tü Mmakat sutuma tia Aluwataayakat. Nnojoleerü eein atkawaa, kaainjalaa, müliaa otta jamü. Aneerü maʼin sukuwaʼipa wayuu (Salmo 145:16).
Eesüjaʼa kamalainjeerüle pümüin aashajeʼeraa tüü
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Jamüshi ouktaka Jesuu?
Eesüjaʼa paapüirüle nüchiki naapajiraain nikii Jesuu süpüla nülaʼajaainjatüin waainjala, ¿eesüche süpüla anain sukuwaʼipa wayuu süpüshuaʼa sutuma waneeshin neʼe chi aapajiraakai nikii?
TÜ OUTKAJAWAAKAT EERE SOTUIN WAAʼIN OUTUIN JESÚS
Puutkajaa wamaa süpüla sotuin waaʼin outuin Jesús
Wounejaain pia süpüla pürütkaain sünain tia outkajawaakat. Aküjüneerü wanee pütchi nüchiki Jesús otta jamüin aneetka pukuwaʼipa sutuma naapajiraain nikii Jesús.
KARALOʼUTAIRUA OTTA POYEETOIRUA
¿Kateetche noʼu nachikuaʼa na wayuu outakana?
¿Outuichi wanee püpüshi? Sütütüleʼereerü paaʼin tü sümakat tü Bibliakat.
