EKIRAJAAYA 12
Talata paa’in sümaa püpüshi?
Aijiraale waya talateerü waaʼin sümaa wapüshi (Éfeso 5:33)
Naashin Maleiwa, kasaalüinjachi wanee wayuu toolo sümaa wanee jierü.
Alinjatü nüpüla nuʼwayuuse wanee wayuu otta naaʼinmajüinjatü shia.
Tü jietkat, sükaaliinjüinjachi chi suʼwayuusekai.
Oonooinjana na tepichikana namaa nashi jee nei.
Nnojo müliain jee kawalaʼatain putuma puʼwayuuse (Colosas 3:5, 8-10)
Saashin tü Wiwüliakat, alinjatü nüpüla nuʼwayuuse chi wayuukai maʼaka alin nia nüpülajiraa. Tü jietkat, kojutüinjachi sümüin chi suʼwayuusekai.
Waneesüinjatü neʼe nuʼwayuuse wanee wayuu. Shia niisalaainjatka neʼe amaa nuʼwayuuse.
Shikirajüin waya tü Wiwüliakat süpüla talatüin waaʼin sümaa wapüshi.
Eesüjaʼa kamalainjeerüle pümüin aashajeʼeraa tüü
KARALOʼUTAIRUA OTTA POYEETOIRUA
¿Kasa choʼujaaka süpüla anain sukuwaʼipa wayuu sümaa süpüshi?
Naashin na wayuukana, shia anaka atuma nukuwaʼipa wanee wayuu sümaa nüpüshi washirüle nia. ¿Shiimainchejeʼeya tia?
